Post News Media ព័ត៌មានជាតិ គ្រូបង្រៀនវិទ...

គ្រូបង្រៀនវិទ្យាល័យផ្សារដើមថ្កូវម្នាក់ ស្លាប់ក្នុងមន្ទីរសម្រាកព្យាបាលវេជ្ជបុត្រ

ចែកចាយបន្ត

ភ្នំពេញ: បុរសម្នាក់ ដែលជាគ្រូបង្រៀននៅវិទ្យាល័យផ្សារដើមថ្កូវ បានស្លាប់នៅក្នុងមន្ទីរសម្រាកព្យាបាលវេជ្ជបុត្រ បន្ទាប់ពីរូបគាត់ពុលអាហារ ដោយមានអាការ:ក្អួតចង្អោលនិងចុកចុងដង្ហើម ហើយត្រូវបានក្រុមគ្រួសារបញ្ជូនទៅមន្ទីរសម្រាកព្យាបាលវេជ្ជបុត្រ ភ្លាមៗនោះក្រុមគ្រូពេទ្យបានព្យួរសេរ៉ូម២ប្លោក ស្រាប់តែមានអាការ:បែកពពុះមាត់ប្រកាច់ស្លាប់តែម្តង។

ហេតុការណ៍នេះបានកើតឡើងកាលពីវេលាម៉ោង ៩និង១០នាទីយប់ ថ្ងៃ១៨ ខែវិច្ឆិកា ឆ្នាំ២០១៦ ស្ថិតនៅចំណុចក្នុងមន្ទីរសម្រាកព្យាបាលវេជ្ជបុត្រ ដែលមានទីតាំងផ្ទះលេខ១៨៩ ផ្លូវ៤៣២ ខាងលិចស្តុបផ្សារទួលទំពូងចម្ងាយ៥០០ម៉ែត្រ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។

ជនរងគ្រោះដែលស្លាប់ខាងលើនេះ មានឈ្មោះ ព្រុំ ប៊ុនថន អាយុ៥៤ឆ្នាំ មុខរបរជាគ្រូបង្រៀននៅវិទ្យាល័យផ្សារដើមថ្កូវ។

បើតាមសម្តីរបស់ឈ្មោះ ព្រុំ វិសាល ដែលត្រូវជាកូនបានឲ្យដឹងថា ប៉ារបស់គាត់បានពុលចំណី និងបានចូលទៅសម្រាកព្យាបាលនៅគ្លីនិកវេជ្ជបុត្រ។ លោកបានបញ្ជាក់បន្ថែមទៀតថា ខណ:ដែលប៉ារបស់លោកពុលអាហារ គឺមានគ្រាន់តែមានអាការ: ក្អួតនិងចុកចុងដង្ហើម តែអាចដើរចូលបានដោយខ្លួនឯង។ លោកបានបញ្ជាក់ទៀតថា « តើមានដែរឬអត់ ក្នុងពេលតែមួយគ្រូពេទ្យបានដាក់សេរ៉ូម ម្ដង២ប្លោកដាក់ដៃទាំងសងខាង» រយ:ពេលមិនដល់មួយម៉ោងផង ខាងពេទ្យបានដាក់សេរ៉ូមឲ្យប៉ារបស់លោកអស់ដល់ទៅ៣ផ្លោក ស្រាប់តែប៉ារបស់លោកមានអាការ:ប៉ោងពោះ មិនតែប៉ុណ្ណោះខាងគ្រូពេទ្យបានស្រែកប្រាប់ប៉ារបស់លោកឲ្យខំប្រឹងនោម ប៉ុន្តែដោយសារតែអាការ:ប៉ារបស់លោកកាន់តែមិនស្រួលឡើង គាត់ខំប្រឹងបោចសេរ៉ូមចេញពីដៃទាំងសង ខាងតែត្រូវបានគ្រូពេទ្យបាននាំគ្នាចាប់ប៉ាលោក គ្រៀកជាប់ហើយចាប់ដាក់សេរ៉ូមវិញ រហូតដល់ប៉ាលោកដាច់ខ្យល់ស្លាប់តែម្តង។

ពាក់ពន្ធ័នឹងហេតុការណ៍នេះដែរ Post News បានទំនាក់ទំនងតាមរយ:លេខទូរសព្ទ 023 212 332 របស់ខាងគ្លីនិកខាងលើដែរ ប៉ុន្តែទាក់ទងមិនបានទេនៅរសៀលថ្ងៃទី១៩ ខែវិច្ឆិកា ឆ្នាំ២០១៦នេះ ដោយសារទូរសព្ទមិនចូល៕

ពុលអាហារ

ពុលអាហារ

ពុលអាហារ

ពុលអាហារ

ពុលអាហារ

ពុលអាហារ

ពុលអាហារ

ពុលអាហារ

ចែកចាយបន្ត