Post News Media ព័ត៌មានជាតិ អនុរដ្ឋលេខាធិ...

អនុរដ្ឋលេខាធិការក្រសួងកសិកម្ម ជំរុញការចិញ្ចឹមសត្វតាមបែបពាណិជ្ជកម្ម និងនាំចេញ

ចែកចាយបន្ត

បន្ទាយមានជ័យ: ក្នុងសកម្មភាពចុះពិនិត្យសង្វាក់ផលិតកម្មសត្វ និងភាពរីកចម្រើនលើការចិញ្ចឹមជ្រូកសាច់និង ចិញ្ចឹមគោពូជនាំចូល កាលពីរសៀលថ្ងៃទី១៩ ខែវិច្ឆិកា ឆ្នាំ២០១៦នេះ អនុរដ្ឋលេខាធិការក្រសួងកសិកម្ម បានជំរុញឲ្យកសិករចិញ្ចឹមសត្វតាមបែបពាណិជ្ជកម្ម និងនាំចេញទៅតាមទីផ្សារបច្ចុប្បន្ន។

ជាមួយគ្នានេះដែរ លោក ហ៊ុយ ទូច ប្រធានការិយាល័យបសុពេទ្យខេត្តបន្ទាយមានជ័យ បានឲ្យដឹងថា ការចិញ្ចឹមសត្វនៅខេត្តបន្ទាយមានជ័យ ឆ្នាំនេះ មានការកើនឡើងខ្ពស់ទៅលើសត្វបក្សី ដែលមានប្រមាណ១លានក្បាលនិងសត្វគោ។ការកើនឡើងនេះ ដោយសារតែកសិករយល់ពីបច្ចេកទេស ការប្រើប្រាស់ វត្ថុធាតុដើមជាចំណីនឹងទទួលបានការបណ្តុះបណ្តាល និងការបង្ការជំងឺឆ្លងនានា ពីការិយាល័យបសុពេទ្យ ហើយកសិកររបស់យើងតែងតែរាយការណ៍មកវិញពីបញ្ហានានាដែលកើតឡើងលើសត្វត្រូវបានជួយសង្គ្រោះទាន់ពេល។ ដោយឡែកចំពោះសត្វជ្រូកមានការកើនតិចតួច បណ្តាលមកពីតម្លៃទីផ្សារសត្វជ្រូក មិនស្ថេរ ភាព ហើយការផលិតខ្ពស់ជាងតម្លៃលក់។

លោកប្រធានការិយាល័យបសុពេទ្យ បានបន្តទៀតថា បច្ចុប្បន្នកសិករខេត្តបន្ទាយមានជ័យបានងាកមកប្រើគ្រឿងយន្តកសិកម្មក្នុងការប្រកបរបរកសិកម្មជំនួសការប្រើសត្វគោ ក្របីជាកម្លាំងអូសទាញវិញ ហើយពួកគាត់បែរជាមកចិញ្ចឹមសត្វសម្រាប់ធ្វើពាណិជ្ជកម្មដូចជាការចិញ្ចឹម មេគោ មេជ្រូកពូជកូនកាត់នាំចូលពីក្រៅប្រទេស(រួមមានពូជ Brahman, Indo-Brazile, Brangus, Charolais និងគោទឹកដោះ១ក្បាល) ស្របទៅតាមទីផ្សារ និងទៅតាមផែនការរបស់ក្រសួងកសិកម្ម និងនយោបាយរបស់រដ្ឋាភិបាលលើវិស័យកសិកម្ម។ ចំពោះការចិញ្ចឹមជ្រូក និងគោក្របីនៅខេត្តបន្ទាយមានជ័យ ជាលក្ខណ:ពាណិជ្ជកម្មដោយចាប់ពី២០ក្បាល ឡើងដល់ជាង១ពាន់ ក្បាល មានសរុប១៨០កសិដ្ឋាននៅក្នុងស្រុកមង្គលបូរី ស្រុកម៉ាឡៃ ក្រុងសិរីសោភ័ណ។
ក្នុងឱកាសនោះ លោក កៅ ផល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តំណាង ឯកឧត្តម រដ្ឋមន្ត្រី អមដំណើរដោយ លោក រុន សុផាន់ណារ៉ា អនុប្រធានមន្ទីរ លោក ហ៊ុយ ទូច ប្រធាន- អនុប្រធាន និងមន្ត្រីការិយាល័យផលិតកម្ម និងបសុព្យាបាល បាន ចុះពិនិត្យមាន២កន្លែងនៅក្នុងក្រុងសិរីសោភ័ណ។

លោក កៅ ផល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានផ្តល់ជាអនុសាសន៍ ដល់មន្ត្រីជំនាញបសុពេទ្យ និងកសិករត្រូវយកចិត្តទុកដាក់លើការចិញ្ចឹមតាមបែបវិធានជីវ:សុវត្ថិភាព, កែលម្អ ពូជ-ចំណី និងជម្រុញការចិញ្ចឹមតាមបែបពាណិជ្ជកម្ម និងនាំចេញ ព្រោះថាបច្ចុប្បន្នទីផ្សារសត្វទាំងក្នុង និងក្រៅស្រុក កំពុងត្រូវការបើយើងចិញ្ចឹមបានវានិងធ្វើឲ្យជីវភាពពួកគាត់ មានការប្រសើរឡើង និងធ្វើឲ្យវិស័យកសិកម្មកាន់តែរីកចំរើនស្របទៅតាមគោលនយោបាយរបស់រដ្ឋាភិបាល ដែលមានសម្តេចតេជោ ហ៊ុន សែន ជាប្រមុខតែងលើកកម្ពស់ជានិច្ច៕

fullsizerender3

fullsizerender4

fullsizerender5

fullsizerender6

image11

image21

image31

ចែកចាយបន្ត