Post News Media អចលន​ទ្រព្យ ខុនដូ Sky31 ក...

ខុនដូ Sky31 កម្ពស់ ៣១ជាន់ នឹងមានវត្តមាននៅតំបន់ទួលគោក នាឆ្នាំ ២០១៨

ចែកចាយបន្ត

ខុនដូកម្ពស់ ៣១ ជាន់នឹងមានវត្តមាននៅតំបន់សក្តានុពលទួលគោកនាឆ្នាំ ២០១៨ ខាងមុខនេះ នេះបើយោងតាមការបង្ហាញពីគេហទំព័រ Sky31។

អគារខុនដូ Sky31 ត្រូវបានអភិវឌ្ឍដោយក្រុមហ៊ុន Asia Continent & Development Co., Ltd និងសាងសង់លើផ្ទៃដីសរុបប្រមាណជា ២៥៤៦ម៉ែត្រការ៉េ ដែលមានកម្ពស់ ៣១ជាន់ ​ជាមួយនឹងបន្ទប់ស្នាក់នៅ សរុបចំនួន ២៣០យូនីត។

គម្រោងនេះមានទីតាំងនៅកណ្តាលរាជធានីភ្នំពេញ ដែលអាចផ្តល់ភាពងាយស្រួលដល់ការរស់នៅ ជាមួយនឹង ជីវិតបែបទាន់សម័យនាពេលបច្ចុប្បន្ន។

អគារ Sky31 នេះជាបណ្តុំនៃកន្លែងហាត់ប្រាណ អាងហែលទឹក ស្ទីម សួនច្បារ និងផ្សារទំនើបជាដើម។​

គួរបញ្ជាក់ផងដែរថា គម្រោងនេះមានទីតាំងនៅ ខណ្ឌទួលគោក សង្កាត់បឹងកក់២ ដែលគ្រោងនឹងបញ្ចប់ នៅឆ្នាំ ២០១៨ខាងមុខ៕