Post News Media អចលន​ទ្រព្យ តម្លៃដីនៅតំបន...

តម្លៃដីនៅតំបន់មាត់សមុទ្រក្រុងព្រះសីហនុ កើនឡើងមួយគុណជាពីរ

ចែកចាយបន្ត

បច្ចុប្បន្នវិស័យអចលនទ្រព្យ នៅក្រុងព្រះសីហនុ កំពុងទាក់ទាញវិនិយោគិនជាច្រើន ទៅកាន់តំបន់នោះ ដែលធ្វើឲ្យតម្លៃដីហាក់ស្ទុះឡើងយ៉ាងឆាប់រហ័ស។

បើយោងតាមការសំភាសន៍តាមទូរសព្ទជាមួយនឹងលោក សៀង ភក្តី អគ្គនាយកក្រុមហ៊ុន ស៊ើច រៀល អ៊ីស្តេត ឯ.ក( SEARCH REAL ESTATE CO., LTD) បានឲ្យដឹងថា តម្លៃដីនៅតំបន់មាត់សមុទ្រ ដូចជា ឆ្នេរអូត្រេះ ឆ្នេរឈើទាល និងឆ្នេរឯករាជ្យ កើនឡើងមួយគុណជាពីរ បើធៀបទៅនឹងឆ្នាំ ២០១៥ តម្លៃដី នៅតំបន់ទាំងនោះ ស្ថិតក្នុងចន្លោះពី ៥៥០ ទៅ ៧០០ ដុល្លារអាមេរិក ក្នុងមួយម៉ែត្រការ៉េប៉ុណ្ណោះ ខណ:ដែលឥទ្បូវនេះ តម្លៃដីនៅតំបន់នោះ កើនទ្បើងចន្លោះពី ១,២០០ ទៅ ១៣០០ ដុល្លារអាមេរិក ក្នុងមួយម៉ែត្រការ៉េ។

លោកបានបន្ថែមទៀតថា គម្រោងអភិវឌ្ឍធំៗ នៅតំបន់ឆ្នេរសមុទ្រដូចជា ROYAL BAY VIEW, BLUE BAY, SUNSHINE BAY និងគម្រោងសាងសង់ខុនដូ ក៏ដូចជាសណ្ឋាគារដទៃទៀត បានជួយជំរុញដល់អចលនទ្រព្យនៅក្រុងព្រះសីហនុ មានសភាពស្ទុះឡើងយ៉ាងឆាប់រហ័ស។

ដោយក្នុងនោះលោក ក៏បានបញ្ជាក់ផងដែរថា ភាគច្រើននៃវិនិយោគិនបរទេសនៅទីនោះ ជាជនជាតិចិន ខណ:ដែលវិនិយោគិនអឺរ៉ុប ហាក់មានសភាពស្ងប់ស្ងាត់ទៅវិញ៕