Post News Media អចលន​ទ្រព្យ The penthouse...

The penthouse Residence អគារបង្កប់ភោជនីយដ្ឋានវិលសម្រេចការសាងសង់បាន ៦០ ភាគរយហើយ

ចែកចាយបន្ត

កាលពីម្សិលមិញនេះនៅក្នុងពិធី សន្និបាត និងពិរព័ណ៍អចលនទ្រព្យនៅកម្ពុជាឆ្នាំ ២០១៧ ម្សិលមិញនេះ គម្រោងអគារខុនដូប្រណិត  The penthouse Residence បានឲ្យដឹងថាគម្រោងនេះដំណើរការសាងសង់បានប្រមាណ ៦០ ភាគរយហើយ​។

ជាមួយគ្នានោះដែរ លោក ហន សៀងហួរ បុគ្គលិកផ្នែកលក់នៃគម្រោងបានឲ្យដឹងបានបន្ថែម បច្ចុប្បន្ន The Penthouse បានដំណើរការសាងសង់ដល់ជាន់ទី ៦ ដែលគម្រោងនេះគ្រោងនឹងបញ្ចប់នៅចុងឆ្នាំ ២០១៨ ផងដែរ។

The Penthouse Residence ជាអគារកម្ពស់ ៣៦ ជាន់ដែលមានទីតាំងនៅតាមបណ្តោយមហាវិថីសុធារស និងឋិតនៅជិតផ្សារទំនើប អ៊ីអនម៉ល កណ្តាលរាជធានីភ្នំពេញ។

អគារនេះជាបណ្តុំនៃអគារស្នាក់នៅក៏ដូចជា សណ្ឋាគារលំដាប់ផ្កាយ និងជាតំបន់ពាណិជ្ជកម្មជាច្រើនផ្សេងទៀត។

គួរបញ្ជាក់ផងដែរថា ក្នុងកម្មវិធី សន្និបាត និងពិពរណ៍អចលនទ្រព្យនេះមានការចូលរួមពីបណ្តាគម្រោងអភិវឌ្ឍលំនៅដ្ឋានផ្សេងៗនៅកម្ពុជា និងអ្នកជំនាញអចលនទ្រព្យ​ទាំងក្នុងស្រុកក៏ដូចជាក្រៅស្រុកផងដែរ៕