Post News Media អចលន​ទ្រព្យ តាមទស្សន:អ្នក...

តាមទស្សន:អ្នកជំនាញ៖ ស្ថានភាពទីផ្សារខុនដូនាពេលបច្ចុប្បន្ន ?

ចែកចាយបន្ត

ដោយមើលឃើញពីការកកើតឡើងនៃវិស័យអចលនទ្រព្យកាន់តែច្រើនឡើង ពិសេសគឺវិស័យខុនដូដែលទើបនឹងស្ទុះឡើងនៅរយ:ពេលប៉ុន្មានឆ្នាំ ចុងក្រោយនេះបានក្លាយទៅប្រធាទបទមួយនៅក្នុងការលើកឡើងអំពីទីផ្សារខុនដូនាពេលបច្ចុប្បន្ន។

បើតាមរយ:បទសំភាសន៍ជាមួយលោក ផុន ដាណែត អគ្គនាយកក្រុមហ៊ុន 5-bright Siblings Co.,Ltd និងជាស្ថាបនិកគម្រោង ខុនដូ   The Diamond Home បានមានប្រសាសន៍ថា​ “ ទីផ្សារខុនដូនាពេលបច្ចុប្បន្នហាក់មានការថមថម បើធៀបទៅនឹងឆ្នាំ ២០១៦ ដោយសារអ្នកទិញមួយចំនួនមានការភ័យខ្លាចច្រើននៅលើវិស័យអចលនទ្រព្យទាំងមូល មិនថាខុនដូ ឬវិស័យអចលទ្រព្យដទៃទៀត ប៉ុន្តែចំពោះដំណើរការក្នុងទិញលក់ គឺនៅតែមានសភាពធម្មតា។

លោកបានបន្តថា ប្រសិនបើយើងពិនិត្យទៅលើទីផ្សារអចលនទ្រព្យខុនដូ គឺពុំទាន់ធ្លាក់ថ្លៃនៅឡើយនោះទេ ដូចជា ខុនដូ Grand A, B, C ឬ D គឺនៅតែមានទីផ្សារ ចំណែកតម្លៃនៅពុំមានការធ្លាក់ចុះ គឺមានតែកើនឡើងជាបន្តបន្ទាប់ ដែលក្នុងនោះគឺមានការប្រកួតប្រជែងខ្លាំងទៅលើយុទ្ធសាស្ត្រក្នុងការលក់ ពិសេសគឺ “ កត្តាបង់ប្រាក់ ”តែម្តង ដែលនេះគឺជាឱកាសល្អសម្រាប់អតិថិជន ក៏ដូចជាអ្នកវិនិយោគលើទីផ្សារអចលនទ្រព្យផងដែរ។

យ៉ាងណាមិញស្ថានភាពទីផ្សារខុនដូនាពេលបច្ចុប្បន្ន គឺមានច្រើនក៏ពិតមែន តែពុំទាន់បានបំពេញតម្រូវការជូនប្រជាជនទាំងក្នុងប្រទេស ក៏ដូចជាក្រៅប្រទេសគ្រប់គ្រាន់នៅឡើយទេ​។​បើយោងតាមទិន្នន័យរបស់ក្រសួងដែនដីនគររូបនីយកម្មបានឲ្យដឹងថា តម្រូវការលំនៅឋានជាមធ្យមមាន ៥ ម៉ឺនខ្នងក្នុង ១ ឆ្នាំ ហើយសព្វថ្ងៃនេះទីផ្សារលំនៅឋានគឺនៅតែមានការខ្វះខាតនៅឡើយ ដូចជាអ្នកទើបនឹងរៀបការហើយថ្មីថ្មោង ឬអ្នកមកបន្តការសិក្សាជាដើម ។

ជាសរុបមកតាមមតិរបស់លោកយល់ថា ទីផ្សារខុនដូនាពេលបច្ចុប្បន្នគឺនៅតែមានភាពល្អប្រសើរ ហើយការលក់នៅតែល្អ​ ដែលអាស្រ័យទៅលើក្រុមហ៊ុនធ្វើទីផ្សារ និងការសាងទំនុកចិត្តជូនអតិថិជនបានកម្រិតណា ម្យ៉ាងទៀតចំពោះអ្នកដែលមានទស្សន:អវិជ្ជមានចំពោះទីផ្សារខុនដូក៏ព្រោះតែពួកគេខ្វះខាតជំនាញទីផ្សារ ខ្វះបច្ចេកទេស និងជំនាញនៅក្នុងការលក់ទៅវិញនោះទេ៕