Post News Media អចលន​ទ្រព្យ គម្រោងផ្លូវរថ...

គម្រោងផ្លូវរថភ្លើង កម្ពុជា-ថៃ ត្រូវពន្លឿនឲ្យចប់ត្រឹមឆ្នាំ ២០១៨

ចែកចាយបន្ត

គម្រោងតភ្ជាប់ផ្លូវរថភ្លើង កម្ពុជា-ថៃ នឹងត្រូវពន្លឿនដើម្បីបញ្ចប់ទាំងស្រុង នៅឆ្នាំ ២០១៨ខាងមុខនេះ ខណ:ពីមុន គ្រោងបញ្ចប់នៅឆ្នាំ ២០២០។ នេះបើយោងតាមការឲ្យដឹងពី ក្រសួងសាធារណការ និងដឹកជញ្ជូន។

ផ្លូវរថភ្លើងតភ្ជាប់កម្ពុជា-ថៃ ដែលបានផ្អាកដំណើរការអស់ជាង ៣០ឆ្នាំមកហើយ កំពុងត្រូវបានជួសជុល ជាពិសេស នៅត្រង់កំណាត់ក្នុងខេត្តបន្ទាយមានជ័យ តភ្ជាប់ពី ប៉ោយប៉ែត ទៅ សាកែវ ប្រទេសថៃ។

ផ្លូវរថភ្លើងនេះ ត្រូវផ្អាកដំណើរការដោយសារសង្រ្គាម និងវិបត្តិផ្សេងៗ ហើយការស្តារឡើងវិញនេះ នឹងជម្រុញដល់ការដឹកជញ្ជូនគ្រប់រូបភាព ជាពិសេសដើម្បីធ្វើសមាហរណកម្មតំបន់ ដោយតភ្ជាប់បណ្តាញផ្លូវដែកកម្ពុជា ទៅក្នុងគម្រោងផ្លូវដែកតំបន់អាស៊ាន។

ក្រោយពេលផ្លូវដែកនេះដំណើរការ វានឹងជួយកាត់បន្ថយថ្លៃសេវាដឹកទំនិញ ក៏ដូចជាកាត់បន្ថយការកកស្ទះចរាចរណ៍ និងការដឹកទំនិញតាមផ្លូវជាតិ ហើយវាក៏ជម្រុញកំណើន និងពង្រីកទំហំសេដ្ឋកិច្ចរវាងទាំងពីរដល់ ១៥ពាន់លានដុល្លារ ក្នុងពេលដ៏ខ្លីខាងមុខផងដែរ។

គួររំលឹកដែរថា ផ្លូវដែកចាប់ពីភ្នំពេញ ដល់ក្រុងប៉ោយប៉ែត មានប្រវែងសរុប ៣៨៦គីឡូម៉ែត្រ ហើយក្រសួងសាធារណការ និងដឹកជញ្ជូន កំពុងបន្តជួសជុល និងសាងសង់ផ្លូវដែក រហូតដល់ទីរួមខេត្តបាត់ដំបង និងរហូតដល់ស្ថានីយ៍រថភ្លើងភ្នំពេញផងដែរ៕

 

ចែកចាយបន្ត