Post News Media អចលន​ទ្រព្យ ផ្សារទំនើប PH...

ផ្សារទំនើប PH ECO Mall តម្លៃជាង ២០០លានដុល្លារ នឹងលេចឡើងនៅតំបន់បឹងស្នោរ

ចែកចាយបន្ត

កាលពីពេលថ្មីៗនេះ បុរី ប៉េង ហួត គ្រុប បានបើកការដ្ឋានសាងសង់ ផ្សារទំនើប PH ECO Mall​ ក្នុងគម្រោងហ្គ្រេនស្តា​ផ្លាទីនីម (បឹងស្នោរ)​ ដែលចំណាយទឹកប្រាក់ប្រមាណ ២០០លានដុល្លារអាមេរិក គ្រោងនឹងបញ្ចប់ការសាងសង់ក្នុងឆ្នាំ ២០២១ ខាងមុខនេះ។​

ការបើកការដ្ឋានសាងសង់​ គម្រោងផ្សារទំនើបនេះ ត្រូវបានវិនិយោគ​លើផ្ទៃដីជិត ៦ហិកតា នឹងផ្តល់ជូន នូវ​បទពិសោធន៍ដើរ​ផ្សារទំនើបពិសេសប្លែក​ ប្រកបដោយបរិយាកាសស្រស់ស្រាយបែបធម្មជាតិពិតៗ។

លើសពីនេះទៅទៀត ការរចនាផ្សារទំនើបនេះក៏បានរួមបញ្ជូលនូវ​ រចនាបថ វប្បធម៌ ប្រវត្តិស្រាស្តខ្មែរ ជាមួយនឹងបែបផែនជីវិតទំនើបទាន់សម័យ និងពេញនិយមផងដែរ។

ផ្សារទំនើប​ ដែលមានផ្ទៃសំណង់សរុប ២៦ម៉ឺន៨ពាន់ម៉ែត្រក្រឡា​ និងផ្ទៃជួលជិត ៩ម៉ឺនម៉ែត្រក្រឡា ​ព្រមទាំងចំណតរថយន្តដ៏ធំទូលាយអាចចតរថយន្ត​​ និង ម៉ូតូ បានរហូតដល់ជាង ៥ពាន់គ្រឿង។

​គម្រោងផ្សារទំនើបនេះ​ នឹងធ្វើឲ្យ គម្រោងហ្គ្រេន​ស្តាផ្លាទីនីម ​ក្លាយជាទីក្រុងមួយ​ដែលកាន់តែទំនើប​ និងសម្បូរបែបបន្ថែមទៅលើ​ សាលារៀនអន្តរជាតិ​ ដែលបើកដំណើរការ តាំងពីពាក់កណ្តាលឆ្នាំ ២០១៧ រួមទាំងក្លឹបកីឡា សួនកំសាន្តបែបអឺរ៉ុប។

សម្រាប់គម្រោងផ្សារទំនើបនេះផងដែរ​​​ នឹងនាំយកមកនូវ ភាពសម្បូរបែបដើម្បីទទួល ស្វាគមន៍អតិថិជន​ ជាតិនិងអន្តរជាតិ ជាមួយនឹង​បទពិសោធន៍ថ្មីដំបូងបង្អស់ ដែលមិនធ្លាប់មាន ក្នុងប្រទេសកម្ពុជា៕

ចែកចាយបន្ត