Post News Media អចលន​ទ្រព្យ ផ្លូវដែកពីកណ្...

ផ្លូវដែកពីកណ្តាលក្រុង ទៅកាន់ព្រលានយន្តហោះភ្នំពេញ សាងសង់បាន ៥០០ម៉ែត្រ

ចែកចាយបន្ត

ផ្លូវរថភ្លើងធនស្រាលថ្មី តភ្ជាប់ពីស្ថានីយ៍រថភ្លើងក្រុងភ្នំពេញ ទៅកាន់ព្រលានយន្តហោះអន្តរជាតិភ្នំពេញ សាងសង់បាន ៥០០ម៉ែត្រហើយលើផ្លូវ ១៣០០ម៉ែត្រ នឹងដាក់ឲ្យដំណើរការជាផ្លូវការ នៅខែមេសា ឆ្នាំ ២០១៨ខាងមុខនេះ ឲ្យបានមុនបុណ្យចូលឆ្នាំខ្មែរមកដល់ ដោយអ្នកដំណើរចំណាយពេលប្រមាណ​ ២០នាទីប៉ុណ្ណោះ។

កាលពីពេលថ្មីៗនេះ លោក ស៊ុន​ ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន​ បានពន្យល់ ថា ខ្សែរថភ្លើងនេះ នឹងផ្លូវរថភ្លើងបង្កប់ក្នុងផ្លូវថ្នល់ និងសាងសង់នៅលើផ្លូវដែលមានស្រាប់​ មិនមានរុះរើលំនៅដ្ឋានទេ ហើយរថភ្លើងនឹងឆ្លងកាត់ឆាប់ណាស់ មិនធ្វើឲ្យកកស្ទះចរាចរណ៍ទេ ព្រមទាំងធានាសុវត្ថិភាពទៀតផង។

បច្ចុប្បន្ន ក្រុមហ៊ុន Royal Group បានកក់លុយទិញរថភ្លើង ៤គ្រឿងរួចហើយ (ប្រមាណ ១លានដុល្លារអាមេរិក ក្នុងមួយគ្រឿង) ដែលអាចផ្ទុកអ្នកដំណើរប្រមាណជា ១០០នាក់​ក្នុងមួយគ្រឿង ហើយអ្នកដំណើរអាចជិះដោយឥតគិតថ្លៃ ក្នុង៣ខែដំបូង បន្ទាប់ពីការបើកដំណើរការជាផ្លូវការ។

គួររម្លឹកដែរថា គម្រោងតភ្ជាប់ផ្លូវរថភ្លើងធនស្រាល នឹងមានខ្សែរត់ ទៅតំបន់សេដ្ឋកិច្ចពិសេសភ្នំពេញ គឺមានប្រវែងតែ ៣០ម៉ែត្រប៉ុណ្ណោះ ពីផ្លូវដែកដែលមានស្រាប់នៅខាងក្រៅរបងរបស់តំបន់សេដ្ឋកិច្ចពិសេស៕

ចែកចាយបន្ត