Gerrard ៖​បើ​...

Gerrard ៖​បើ​ខ្ញុំ​ស្លាប់ សូម្បីកុំ​យក​ខ្ញុំ​ទៅ​ពេទ្យ ​យក​ខ្ញុំ​ទៅ​ដាក់​នៅ Anfield ​ចុះ​

ចែកចាយបន្ត

 

កីឡាករ Steven Gerrard បានប្រកាសចូលនិវត្តន៏ពីវិស័យបាល់ទាត់ហើយ ក្រោយពីចំណាយពេល១៩ឆ្នាំ ឈ្នះពានធំៗចំនួន៨ ជាមួយក្លឹប Liverpool ។

Gerrard វ័យ៣៦ឆ្នាំ ធ្លាប់លេងឱ្យក្លឹប Liverpool ចំនួន៧១០ប្រកួត ប៉ុន្តែរដូវកាលចុងក្រោយរបស់គេគឺនៅជាមួយក្លឹប LA Galaxy របស់លីគអាមេរិក ក្រោយពីចាកចេញពីទឹកដី Anfield កាលពីឆ្នាំ២០១៥។ ខ្សែបម្រើរូបនេះ បានប្រកាសចូលនិវត្តន៍កាលពីយប់មិញនេះ ហើយក៏បាននិយាយពាក្យមួយចំនួនដល់អ្នកគាំទ្ររូបគេផងដែរ។

“ខ្ញុំពិតជាមានសំណាងណាស់ ដែលបានចូលប្រឡូកក្នុងវិស័យបាល់ទាត់។ រយៈពេលជិត២០ឆ្នាំនេះ ពិតជាមានន័យមែន ហើយសូមអរគុណដល់ក្លឹប Liverpool ក្រុមជម្រើសជាតិអង់គ្លេស និងក្លឹប LA Galaxy ។ អ្វីដែលខ្ញុំចង់និយាយជាចុងក្រោយ គឺពេលខ្ញុំស្លាប់ កុំយកខ្ញុំទៅបន្ទប់ពេទ្យ សូមនាំខ្ញុំទៅ Anfield ។ ខ្ញុំកើតនៅទីនោះ ហើយនឹងស្លាប់ទៅវិញនៅទីនោះដែរ”។

៧១០ប្រកួតឱ្យ Liverpool កីឡាករខាងលើនេះរកបាន១៨៥គ្រាប់ ខណៈដែលលេងឱ្យក្រុមជម្រើសជាតិអង់គ្លេសវិញ រូបគេចូលលេងបាន១១៤ប្រកួត រកបាន២១គ្រាប់ និងបានធ្វើជាប្រធានក្រុមបាន៣៨ប្រកួត៕

ប្រភព៖ BBC 

ចែកចាយបន្ត