Julius Oiboh ខ្សែប្រយុទ្ធឆ្នើមរបស់ក្លឹបបឹងកេតអង្គរ អះអាងថាខ្លួនអាចរកគ្រាប់បាល់បាន ក្នុងជំនួបតទល់ក្លឹបសមាជិកលីគកំពូលជប៉ុន SHONAN BELLAMARE រសៀលនេះ ក្នុងវគ្គពាក់កណ្តាលផ្តាច់ព្រ័ត្រពានរង្វាន់ BTV CUP នាខេត្តប៊ិញយឿង ប្រទេសវៀតណាម។

ខ្សែប្រយុទ្ធដែលទើបត្រូវបានកោះហៅចូលក្រុម Cambodia All Star រូបនេះប្រាប់ Post Sport ថា គេពិតជាអាចរកគ្រាប់បាល់បាន ដោយសារតែជំនាញដ៏ប៉ិនប្រសប់របស់គេ គួបផ្សំនិងកីឡាករជប៉ុនមានចលនាយឺតផងដែរ។

« ខ្ញុំជឿ ១០០% ខ្ញុំអាចទម្លាយសំណាញ់ទីពួកគេបាន។ ពួកគេល្អណាស់ ប៉ុន្តែតំបន់ការពាររបស់គេ កីឡាករនៅរាងយឺតបន្តិច ដូច្នេះខ្ញុំនឹងវាយលុករកគ្រាប់បាល់ទាល់តែបាន។ » សម្តី Juluis ។

Julius នឹងត្រូវធ្វើការធ្ងន់ជាមួយ Dzarma Bata ដោយសារតែ ចាន់ វឌ្ឍនាកា មានរបួសឆ្នឹងជំនីពុំអាចចូលលេងបាន ខណៈដែលលោក ប្រាក់ សុវណ្ណរ៉ា ក៏ទំនងដូរយុទ្ធសាស្ត្រស្របតាមសមាភាពកីឡាករនេះដែរ។

បឹងកេតអង្គរ នឹងត្រូវប៉ះក្រុម SHONAN BELLAMARE វេលាម៉ោង៤រសៀល នាកីឡដ្ឋាន Binh Doung ដោយមានការផ្សាយបន្តផ្ទាល់លើទំព័របណ្តាញសង្គមក្លឹប សហការណ៍ជាមួយ Post Sport។ ចំណែកមួយគូរទៀតគឺ SHB Danang នឹងត្រូវប៉ះ KUFC ដើម្បីដណ្តើមកៅអីទៅវគ្គផ្តាច់ព្រ័ត្រដូចគ្នា។