Post News Media ព័ត៌មានកីឡា Costa ​ជា​ខ្ស...

Costa ​ជា​ខ្សែ​ប្រយុទ្ធ​ល្អ​ជាង​គេ​បំផុត​នៅ​អង់គ្លេស

ចែកចាយបន្ត

​បើ​តាម​លោក Kerry Dixon ​វិរបុរស​របស់ Chelsea ​ជឿ​ជាក់​ថា​នា​ពេល​បច្ចុប្បន្ន​នេះ​នៅ​លីគ​កំពូល​អង់គ្លេស ​មាន​តែ​ខ្សែ​ប្រយុទ្ធ Diego Costa ​ម្នាក់​គត់​ដែល​ល្អ​ជាង​គេ​បំផុត​នៅ​លើ​លោក​នេះ។

Costa ​នៅ​រដូវ​កាល​នេះ​កំពុង​តែ​ឡើង​ជើង​មែនទែន ​ដោយ​រក​បាន​១៤​គ្រាប់​ហើយ​ឱ្យ​ក្រុម Chelsea ​ក្នុង​ការ​បង្ហាញ​ខ្លួន​១៩​ប្រកួត​កន្លង​មក​នេះ។ ក្រុម​របស់​លោក Conte ​មួយ​នេះ​បាន​ឡើង​ដល់​កំពូល​តារាង ​ក៏​មាន​ចំណែក​ច្រើន​ពី​កីឡាករ​សញ្ជាតិ​អេស្ប៉ាញ​ម្នាក់​នេះ​ដែរ ត្បិត​អី​ទម្រង់​លេង​របស់​អ្នក​ចាត់ការ​រូប​នេះ ​ចូល​ចិត្ត​លេង​ប្រយុទ្ធ​លើ​ខ្លាំង។

ដូច្នេះ​ហើយ​បាន​ជា​លោក Dixon ​ដែល​ធ្លាប់​ជា​កីឡាករ​របស់​តោ​ខៀវ​បាន​១៩៣​ប្រកួត ​ជឿ​ជាក់​ថា​នា​ពេល​បច្ចុប្បន្ន​នេះ​គ្មាន​នរណា​ល្អ​ជាង​អតីត​ខ្សែ​ប្រយុទ្ធ​របស់ AT Madrid ​ខាង​លើ​នេះ​ទៀត​ទេ។ ដោយ​សូម្បី​តែ Zlatan , Aguero ​ឬ ​Kane ​ក៏​សមត្ថភាព​និង​កម្រិត​លេង​មិន​ដល់ Costa ​នេះ​ដែរ។

ត្បិត​តែ​ចាញ់ Spurs ​២-០ ​បាត់​បង់​៣​ពិន្ទុ​មែន ​ប៉ុន្តែ​ក្រុម​របស់​លោក Conte ​មួយ​នេះ​នៅ​ស្ថិត​លើ​កំពូល​តារាង​ដដែល ​ដោយ​ដាច់​ក្រុម​លេខ​២ Liverpool ​៥​ពិន្ទុ​ឯ​ណោះ៕