Post News Media ព័ត៌មានកីឡា ដំណឹងអាក្រក់ស...

ដំណឹងអាក្រក់សម្រាប់ Arsenal កីឡាករ Sanchez ត្រៀមចាកចេញឆាប់ៗនេះ

ចែកចាយបន្ត

មួយ​រយ:​មក​នេះ​មាន​ក្លឹប​ជា​ច្រើន​កំពុង​តែ​ប្រមាញ់​យក Alexis Sanchez ​មែនទែន ​ជា​ពិសេស​គឺ​ក្រុម​លេង​នៅ​លីគ​របស់​ចិន​តែ​ម្ដង ដែល​ហាន​ចំណាយ​លុយ​មិន​ស្ដាយ​នោះ។

ដោយ​គិត​ត្រឹម​ពេល​នេះ SPG , Inter Milan ​និង​ក្លឹប​នៅ​ចិន ​ប្រជែង​គ្នា​ខ្លាំង រហូត​ដល់​ក្រុម Arsenal ​អាច​នឹង​ប្រឈម​ជាមួយ​ការ​បាត់​បង់​ខ្សែ​ប្រយុទ្ធ​មុត​ល្អ​ម្នាក់​នេះ​បាន ប្រសិន​ណា​បើ​ពួកគេ​មិន​មាន​គោលការណ៍​ច្បាស់​លាស់​ទេ​នោះ។ មួយ​វិញ​ទៀត ​កាល​ពី​ពេល​កន្លង​ទៅ Sanchez ​ផ្ទាល់​ក៏​បាន​និយាយ​ដែរ​ថា​ខ្លួន​គេ​ចង់​ឈ្នះ​ពាន​រង្វាន់ ​ខណ:​ដែល​ក្រុម​កាំភ្លើង​ធំ​វិញ​លេង​ហាក់​ដូចជា​មិន​ចង់​ឈ្នះ​ពាន​នោះ​ទេ។

អ្វី​ដែល​សំខាន់​ជាង​នេះ​ទៀត គឺ​តម្លៃ​ប្រាក់​ឈ្នួល​នៅ​ Arsenal ​ហាក់​ដូចជា​ទាប​បន្តិច​បើ​ធៀប​ជាមួយ​សំណើរ​នៃ​ក្លឹប​ថ្មី​ៗ​មក​ដាក់​ទិញ​យក Sanchez ​នេះ ​ពោល​គឺ​ប្រាក់​ពលកម្ម​របស់​កីឡាករ​រូប​នេះ​មិន​ទាន់​បាន​ដល់​២០០ ០០០​ផោន​ផង​ក្នុង​១​សប្ដាហ៍។ ស្រប​ពេល​ដែល​សាមី​ខ្លួន​វិញ ​ទាមទារ​យ៉ាង​តិច​ក៏​បាន ២៥០ ០០០​ផោន​ឯ​ណោះ។

កត្តា​ទាំង​អស់​នេះ​ហើយ ​បាន​ធ្វើ​ឱ្យ Arsenal ​ត្រៀម​ចិត្ត​ដើម្បី​បាត់បង់​ខ្សែ​ប្រយុទ្ធ​មិន​សូវ​ខ្ពស់​ខាង​លើ ​ខណ:​ដែល​បច្ចុប្បន្ន​លោក Arsene Wenger ​ក៏​កំពុង​តែ​ស្វែង​រក​អ្នក​ថ្មី​មក​ជំនួស​ដែរ៕