Post News Media ព័ត៌មានកីឡា Liverpool ​បា...

Liverpool ​បាន​ត្រឹម​ស្មើ​ជាមួយ​ក្រុម​នៅ​លីគ​លំដាប់​ទី​៤ ​ក្នុង​ពាន FA Cup

ចែកចាយបន្ត

ក្រុម​លំដាប់​ទី​២​នៅ​លីគ​កំពូល​អង់គ្លេស Liverpool បាន​ធ្វើ​ឱ្យ​មាន​ការ​ភ្ញាក់ផ្អើល​មែនទែន ​ដោយ​ពួកគេ​លេង​បាន​ត្រឹម​ស្មើ​ ០-០ ​ជាមួយ​ក្រុម​នៅ​លីគ​លំដាប់​ទី​៤​របស់​អង់គ្លេស Plymouth Argyle ​ប៉ុណ្ណោះ​ក្នុង​ពាន FA Cup ។

ក្រុម​ហង្ស​ក្រហម ​ដាក់​មើល​ងាយ​ក្រុម​ដៃ​គូ​បន្តិច​ដោយ​ដាក់​កីឡាករ​ភាគ​ច្រើន​ជា​យុវជន ​ដើម្បី​ឱ្យ​ត្រូវ​ទៅ​និង​សមត្ថភាព​របស់​ដៃ​គូ​ប្រជែង​ដែល​មក​ពី​លីគ​លំដាប់​ទី​៤​របស់​អង់គ្លេស។ យ៉ាងណាមិញ ការ​ទម្លាក់​សមត្ថភាព​ក្រុម​របស់​ខ្លួន​នេះ ហាក់​មិន​ទទួល​បាន​ផល​ល្អ​នោះ​ទេ ដោយ​ក្រុមPlymouth Argyle ​លេង​សហការ​គ្នា​ល្អ​មែនទែន ​ធ្វើ​ឱ្យ Liverpool ​គ្មាន​ឱកាស​បុក​ចូល​ប្រព័ន្ធ​ការពារ​ហើយ​រក​គ្រាប់​បាល់​បាន​ឡើយ។

ដោយ​ចប់​ការ​ប្រកួត​ក្រុម​ម្ចាស់​ផ្ទះ​ដែល​ប្រឹងប្រែង​បន្ថែម​កម្លាំង​នៅ​ចុង​តង់ ដូរ​ចូល​កីឡាករ​ល្អ​ៗ​បន្ថែម​នោះ ​បាន​ត្រឹម​តែ​ខក​ចិត្ត​ក្រោម​ក្រសែ​ភ្នែក​អ្នក​គាំទ្រ​ប៉ុណ្ណ ​ហើយ​លទ្ធផល​វិញ​គឺ ០-០ ​ត្រូវ​ប្រកួត​គ្នា​ម្ដដង​ទៀត ​ដើម្បី​ស្វែង​រក​អ្នក​ឈ្នះ​ទៅ​លេង​នៅ​វគ្គ​បន្ដ៕