Post News Media ព័ត៌មានកីឡា មូល​ហេតុ​ពិត​...

មូល​ហេតុ​ពិត​ដែល ​កីឡាករ Barcelona ​ទាំង​អស់​មិន​ចូល​រួម​ពិធី​របស់ FIFA

ចែកចាយបន្ត

លោកLuis Enrique ​អ្នក​ចាត់ការ​របស់​ក្រុម FC Barcelona ​បាន​បញ្ជាក់​ថា​មូល​ហេតុ​ដែល​ធ្វើ​ឱ្យ​ក្រុម​ទាំង​មូល​មិន​ចូល​រួម​ពិធី The Best FIFA Football Awards ​គឺ​មក​ពី​ពួកគេ​ផ្ទាល់​សម្រេច​ស្រប​គ្នា​មិន​ទៅ​តែ​ម្ដង។

ព្រឹត្តិការណ៍ The Best FIFA Football Awards ​របស់​សហព័ន្ធ​បាល់ទាត់​អន្តរជាតិ​បាន​ធ្វើ​ឡើង​នៅ​ប្រទេស​ស្វីស ​ដោយ​មាន​ការ​ចូល​រួម​យ៉ាង​ច្រើន​កុះករ​ពី​សំណាក់​បុគ្គល​ល្បី​ៗ​ក្នុង​វិស័យ​បាល់ទាត់។ យ៉ាងណាមិញ ​នៅ​យប់​នោះ​គេ​អង្កេត​ឃើញ​ថា​មិន​មាន​វត្តមាន​របស់ Lionel Messi ​ឬ​កីឡាករ​របស់​ក្រុម FC Barcelona ​នោះ​ទេ បើ​ទោះ​ជា​កីឡាករ​ខ្លះ​ក្នុង​ក្រុម​បាន​ទទួល​ពាន​ក៏​ដោយ។

ចំពោះ​មូលហេតុ​វិញ ​លោក​ Enrique ​បាន​ប្រាប់​ដូច្នេះ​ថា​៖ “​នេះ​ជា​ការ​សម្រេច​ចិត្ត​របស់​កីឡាករ​ទាំង​អស់​គ្នា ​ដូច្នេះ​ខ្ញុំ​ជា​គ្រូ​បង្វឹក​ម្នាក់​ត្រូវ​តែ​ធ្វើ​តាម​ពួកគេ។ យើង​ពិត​ជា​មាន​ការ​ប្រកួត​សំខាន់​មួយ​មែន​នៅ​ពេល​ខ្លី​ខាង​មុខ​នេះ ​ដូច្នេះ​ហើយ​ពួកគេ​សម្រេច​ចិត្ត​នេះ​ក៏​ជា​ផល​ល្អ​សម្រាប់​ក្រុម​ដែរ”។

ដោយ​ឡែក​សំនួរ​ដែល​សួរ​ថា អ្នក​ចាត់ការ​ខាង​លើ​នេះ​បាន​ឃើញ Ronaldo ​លើក​ពាន ​និង​និយាយ​សោកស្ដាយ​មិន​បាន​ឃើញ​កីឡាករ Barcelona ​ចូល​រួម​នោះ ​លោក Enrique ​បាន​ឆ្លើយ​យ៉ាង​ខ្លី​ថា​លោក​ខាន​បាន​មើល​ទូរទស្សន៍​មួយ​សប្ដាហ៍​មក​ហើយ៕

ចែកចាយបន្ត