Post News Media ព័ត៌មានកីឡា Arsenal ​ទាល់...

Arsenal ​ទាល់​តែ​ចំណាយ​១០០​លាន​អឺរ៉ូ ​ទើប​ទិញ​ខ្សែ​ប្រយុទ្ធ​ពី Torino ​បាន

ចែកចាយបន្ត

Andrea Belotti ​ជា​ខ្សែ​ប្រយុទ្ធ​កំពុង​តែ​ឡើង​ជើង​ខ្លាំង​មែនទែន​នៅ​លីគ​កំពូល​របស់​អ៊ីតាលី ​ដោយ​តែងតែ​រក​គ្រាប់​បាល់​បាន​ជា​និច្ច​ឱ្យ​ក្លឹប Torino ។

ដោយ​ឃើញ​ដូច្នេះ​ហើយ Arsenal ​របស់​អង់គ្លេស​បាន​ដាក់​តម្លៃ​ទិញ​ប៉ុន្មាន​ដង​មក​ហើយ ​តែ​មិន​បាន​សម្រេច​ឡើយ ​ដោយ​សំណើរ​ចុង​ក្រោយ​ត្រូវ​បាន​គេ​ដឹង​ថា​ដល់​ទៅ​៥៦​លាន​ផោន តែ​ត្រូវ​ក្លឹប Torino ​ច្រាន​ចោល​ទៀត។ ដោយ​ឡែក​បើ​តាម​សម្ដី​របស់​ភ្នាក់ងារ​ទី​ផ្សារ​កីឡាករ Belotti ​គឺ​ក្លឹប​ Arsenal ​អាច​នឹង​មាន​ឱកាស​ប្រសិន​បើ​ពួកគេ​ហ៊ាន​ចំណាយ​ដល់​១០០​លាន​អឺរ៉ូ ​មិន​មែន​ត្រឹម​តែ ​៥៦​លាន​ផោន​នោះ​ទេ។

លោក Sergio Lancini ​ភ្នាក់ងារ​ខាង​លើ​បាន​និយាយ​ទៀត​ថា ​មាន​ក្លឹប​ជា​ច្រើន​ចង់​បាន​ខ្សែ​ប្រយុទ្ធ​ខាង​លើ ​ដូច្នេះ​ហើយ​តម្លៃ​ត្រឹម​តែ​៥៦​លាន​ផោន​នៅ​មិន​គ្រប់គ្រាន់​នៅ​ឡើយ​ទេ។ នេះ​ជា​អ្វី​ដែល​រូបគេ​អាច​និយាយ​នៅ​ពេល​នេះ។

Andrea Belotti ​ទើប​តែ​មាន​វ័យ​២៣​ឆ្នាំ​ប៉ុណ្ណោះ ​ហើយ​ចូល​លេង​ឱ្យ​ក្រុម Torino ​នៅ​ឆ្នាំ​២០១៥​កន្លង​ទៅ ​បង្ហាញ​ខ្លួន​បាន​៥១​ប្រកួត​រក​បាន​២៥​គ្រាប់។ កីឡាករ​យុវជន​របស់​ជម្រើស​ជាតិ​អ៊ីតាលី​ខាង​លើ​នេះ ​បាន​ជាប់​ជម្រើស​ជាតិ​ក្រុម​ធំ​បាន​៥​ប្រកួត​មកហើយ​ដែរ ​ដោយ​រក​គ្រាប់​បាល់​បាន​៣​គ្រាប់​ហើយ៕

ចែកចាយបន្ត