Post News Media ព័ត៌មានកីឡា អែម​ណាស់ Sir ...

អែម​ណាស់ Sir Alex ​នឹង​មក​ដឹក​នាំ​ក្រុម Man Utd ​ជា​ថ្មី​ម្ដង​ទៀត

ចែកចាយបន្ត

បើ​តាម​ការ​បញ្ជាក់​របស់​ក្លឹប Manchester United ​លោក Sir Alex Ferguson ​នឹង​មក​ដឹក​នាំ​ក្រុម​ជា​ថ្មី​ម្ដង​ទៀត​ក្នុង​ការ​ប្រកួត​មួយ​ដែល​ធ្វើ​ឡើង​ដើម្បី​កីឡាករ Michael Carrick ​នៅ​ថ្ងៃ​ទី​៤​ខែ​មិថុនា​ខាង​មុខ។

Sir Alex ​បាន​ឈ្នះ​ពាន​រង្វាន់​រហូត​ដល់​៣៨​ពាន​រង្វាន់​ជាមួយ​ក្រុម​បិសាច​ក្រហម ​ហើយ​ក៏​បាន​ប្រកាស​ចូល​និវត្តន៍​ក្រោម​លក្ខខណ្ឌ​ចង់​មាន​ពេល​វេលា​ចុង​ក្រោយ​ជាមួយ​ក្រុម​គ្រួសារ។ តែ​ទោះ​ជា​យ៉ាង​ណា​ក្ដី ​បុរស​វ័យ​៧៥​ឆ្នាំ​រូប​នេះ​នៅ​តែ​មាន​តួ​នាទី​នៅ​ក្លឹប​បិសាច​ក្រហម​ដដែល ​ដោយ​បច្ចុប្បន្ន​ធ្វើ​ជា​ឯកអគ្គរាជទូត​របស់​ក្លឹប។

អ្វី​ដែល​កាន់​តែ​ពិសេស​និង​ជា​ការ​ចង់​បាន​របស់​អ្នក​គាំទ្រ​នោះ ​ក្លឹប​បិសាច​ក្រហម​បាន​ប្រកាស​នៅ​មុន​នេះ​បន្តិច​ថា​អ្នក​ចាត់ការ​ល្បី​ឈ្មោះ​ជាង​គេ​នៅ​លើ​លោក​នេះ ​នឹង​មក​ដឹក​នាំ​ក្រុម​បិសាច​ក្រហម​ម្ដង​ទៀត ​ក្នុង​ការ​ប្រកួត​ថ្លែង​អំណរ​គុណ​ដល់​ការ​ព្យាយាម​របស់ Carrick ​ជាមួយ​ក្លឹប។ ​ដោយ Sir Alex ​នឹង​កាន់​ក្រុម​ Man Utd Co XI ​ខណ:​ដែល​ក្រុម​ម្ខាង​ទៀត​លោក Harry Redknapp ​ជា​អ្នក​កាន់​មាន​ឈ្មោះ​ថា​ Michael Carrick All-Stars XI ៕

 

ចែកចាយបន្ត