Post News Media ព័ត៌មានកីឡា FC Barcelona ...

FC Barcelona ​បង្កើត​ប្រវត្តិសាស្ត្រ​មិន​ធ្លាប់​មាន​៤៦​ឆ្នាំ​នៅ La Liga

ចែកចាយបន្ត

ក្លឹប FC Barcelona ​បាន​បង្កើត​ប្រវត្តិសាស្ត្រ​មួយ​ក្នុង​ក្របខណ្ឌ La Liga របស់​អេស្ប៉ាញ ​ដោយ​ក្លាយ​ជា​ក្រុម​ទី​១​ដែល​មិន​ទទួល​បាន​កាត​ក្រហម​និង​ការ​ពិន័យ​បាល់​១១​ម៉ែត្រ ​ក្នុង​រយ:​ពេល​២៨​ប្រកួត​ជាប់​គ្នា។

ស្រប​ពេល​ជាមួយ​ការ​រិះគន់​យ៉ាង​ចាស់​ដៃ ​ទាក់ទង​និង​អាជ្ញាកណ្ដាល​កាន់​ជើង​ខាង Barcelona ​ទាំង​នៅ La Liga ​និង UEFA Champions League ​នោះ ​ក្លឹប​នៅ​តំបន់​កាតាឡាន់​មួយ​នេះ​បាន​ធ្វើ​រឿង​មិន​គួរ​ឱ្យ​ជឿ​និង​មិន​ដែល​កើត​មាន​ក្នុង​រយ:​ពេល​៤៦​ឆ្នាំ​មួយ​ទៀត​ហើយ។ ដោយ​ក្រោយ​ពី​ការ​យក​ឈ្នះ Valencia ​នោះ ពួកគេ​កំពុង​តែ​កាន់​កំណត់ត្រា​២៨​ប្រកួត ​មិន​មាន​កីឡាករ​កាត​ក្រហម ​ហើយ​ក៏​គ្មាន​បង្ក​កំហុស​បង្កើត​ជា​ការ​ពិន័យ​១១​ម៉ែត្រ​ផង​ដែរ។

ប្រកួត​ចុង​ក្រោយ​ដែល​ពួកគេ​ទទួល​បាន​កាត​ក្រហម​នោះ គឺ​នៅ​ថ្ងៃ​ទី​២៥​ខែ​តុលា​ឆ្នាំ​២០១៥ ​ដោយ​កាល​នោះ​យក​ឈ្នះ​ក្រុម Eibar ​ក្នុង​លទ្ធផល​៣-១ ​ដោយ​កាល​នោះ Javier Mascherano ​ជា​អ្នក​ទទួល​បាន។ ដោយ​ឡែក​ចំពោះ​ការ​ពិន័យ​១១​ម៉ែត្រ​វិញ ​កើត​ឡើង​ចំពោះ Barcelona ​តាំង​ពី​ថ្ងៃ​ទី​១៤​ខែ​កុម្ភ:​ឆ្នាំ​២០១៦​កន្លង​ទៅ ​ពេល​លេង​ទល់​ក្រុម Celta Vigo។

សូម​បញ្ជាក់​ថា​កំណត់ត្រា​ខាង​លើ​នេះ ​មាន​ក្លឹប​ធ្វើ​បាន​តាំង​ពី​រដូវ​កាល​១៩៧០-១៩៧១ ​មក​ម្ល៉េះ​ក្នុង​ក្របខណ្ឌ La Liga ​របស់​អេស្ប៉ាញ​នេះ៕

ចែកចាយបន្ត