Post News Media ព័ត៌មានកីឡា Ribery ៖ Barc...

Ribery ៖ Barca , Real , Chelsea ​ខ្ញុំ​បាន​បដិសេធ​ពួកគេ​ទាំង​អស់

ចែកចាយបន្ត

ខ្សែ​បម្រើ​ស្លាប Franck Ribery ​បាន​បញ្ជាក់​ថា​រូបគេ​បាន​បដិសេធ​ទៅ​លេង​ឱ្យ​ក្លឹប​ធំ​ៗ​ជា​ច្រើន​កាល​ពី​ប៉ុន្មាន​ឆ្នាំ​មុន​នេះ ​ដោយ​សម្រេច​ចិត្ត​នៅ​លេង​ឱ្យ​ Bayern Munich ​រហូត។

កីឡាករ​វ័យ​៣៣​ឆ្នាំ​ខាង​លើ​នេះ ​បាន​ឈ្នះ​ពាន​រហូត​ដល់​១៨​ពាន​រង្វាន់​ហើយ ​ចាប់​តាំង​ពី​ផ្ទេរ​ចេញ​ពី Marseille ​មក​អាល្លឺម៉ង់​កាល​ពី​ឆ្នាំ​២០០៧​កន្លង​ទៅ។ ទាក់ទិន​នឹង​ការ​ស្នាក់​នៅ​ជាមួយ Bayern ​យូរ​ឆ្នាំ​នេះ​ដែរ កីឡាករ​សញ្ជាតិ​បារាំង​រូប​នេះ​បាន​ប្រាប់​ឱ្យ​ដឹង​ថា​មាន​ក្លឹប​ជា​ច្រើន​ដូចជា Barcelona , Real Madrid ​និង Chelsea ​ជា​ដើម ​សុទ្ធ​តែ​ចង់​បាន​រូបគេ​ទាំង​អស់ ប៉ុន្តែ​ជា​ចុង​ក្រោយ​កីឡាករ​រូប​នេះ​បែរ​ជា​សម្រេច​ចិត្ត​មិន​ចាកចេញ​ទៅ​វិញ។

“បាទ​ច្បាស់​ណាស់ ​ខ្ញុំ​បាន​ពិចារណា​សំណើ​របស់​ពួកគេ ​អំឡុង​ឆ្នាំ​២០០៨ ២០០៩។ ​កាល​នោះ​ក្លឹប​ធំ​ៗ​ជា​ច្រើន​សុទ្ធ​តែ​ចង់​បាន​ខ្ញុំ Juventus, Inter, Milan, Barca, Real, Chelsea, Manchester…។ តែ​ចុង​ក្រោយ​ខ្ញុំ​សម្រេច​មិន​ទៅ​ណា​ទៅ​វិញ ព្រោះ​គ្រួសារ​របស់​ខ្ញុំ​សប្បាយ​ចិត្ត​នឹង​នៅ​ទី​នេះ ​ហើយ​ខ្ញុំ​ក៏​បាន​សម្រេច​គោលដៅ​ជា​ច្រើន​ជាមួយ Bayern Munich ”។ សម្ដី Ribery ៕

 

ចែកចាយបន្ត