Post News Media ព័ត៌មានកីឡា គ្រូ​បង្វឹក​ថ...

គ្រូ​បង្វឹក​ថៃ ​និយាយ​យ៉ាង​ណា​ក្រោយ​ក្រុម​ចាញ់​ជប៉ុន ៤-០

ចែកចាយបន្ត

លោក Kiatisuk Senamuang ​គ្រូ​បង្វឹក​ក្រុម​ជម្រើស​ជាតិ​ថៃ​បាន​និយាយ​ថា​ការ​ជប៉ុន​ហាក់​ដូចជា​លេង​ល្អ​ហួស​ក្រុម​ថៃ​ច្រើន ទើប​បាន​ជា​លទ្ធផល​មិន​បាន​ល្អ​ចាញ់​ក្នុង​លទ្ធផល​ដល់​ទៅ ៤-០ ។

ក្រុម​ជម្រើស​ជាតិ​ថៃ​អស់​ឱកាស​ឡើង​ទៅ​លេង​វគ្គ​ផ្ដាច់ព្រ័ត្រ FIFA World Cup 2018 ​នៅ​រុស្ស៊ី​ហើយ ​ក្រោយ​ពី​ពួកគេ​បរាជ័យ​ដល់​ទៅ ៤-០ ​ក្រោម​ថ្វី​ជើង​ជប៉ុន ​និង​ទទួល​បាន​តែ​១​ពិន្ទុ ​ក្នុង​ការ​ប្រកួត​ក្នុង​ពូល​៧​ប្រកួត​កន្លង​មក​នេះ។ យ៉ាងណាមិញ ​លោក Kiatisuk ​គ្រូ​បង្វឹក​ក្រុម​ថៃ​បាន​និយាយ​ចំពោះ​លទ្ធផល​នេះ​ថា​វា​ជា​មេរៀន​ល្អ​សម្រាប់​ថៃ ​ក្នុង​វិស័យ​បាល់ទាត់​នេះ បើ​ទោះ​ជា​មិន​ទទួល​បាន​លទ្ធផល​ឡើង​ជុំ​ផ្ដាច់ព្រ័ត្រ​ក៏​ដោយ។

“បរាជ័យ ៤-០ ​មក​ពី​ក្រុម​ជប៉ុន​ល្អ​ខ្លាំង​ពេក ​ជា​ពិសេស​ពួកគេ​ចេះ​ក្ដោប​ឱកាស​បាន​ល្អ។ ថៃ​លេង​បាន​ល្អ​ណាស់​ហើយ​សម្រាប់​ប្រកួត​នេះ ​តែ​ពួកគេ​មិន​មាន​សំណាង ព្រោះ​ក្រុម​ជប៉ុន​បាន​រៀប​ចំ​យ៉ាង​ល្អ។ បើ​ទោះ​ជា​យើង​ធ្លាក់​ចេញ​មែន ប៉ុន្តែ​៣​ប្រកួត​នៅ​សល់​យើង​នៅ​តែ​មាន​សង្ឃឹម​និង​ព្យាយាម​លេង​ឱ្យ​អស់​ពី​សមត្ថភាព​ដើម្បី​អ្នក​គាំទ្រ”។ សម្ដី​គ្រូ​បង្វឹក​ថៃ។

៣​ប្រកួត​ចុងក្រោយ​ក្នុង​ពូល​របស់​ថៃ ​គឺ​ត្រូវ​ប៉ះ​ជាមួយ​ក្រុម​អារ៉ាប់​រួម អឺរ៉ាក់ និង​អូស្ត្រាលី។ តែ​ទោះ​ជា​ធ្លាក់​នៅ​ពាន​រង្វាន់ FIFA World Cup ​មែន ប៉ុន្តែ​ក្រុម​ជម្រើស​ជាតិ​ថៃ​បាន​កក់កៅ​អី​លេង​ពាន​ AFC Asian Cup ​រួច​ទៅ​ហើយ ​ដោយ​មិន​ចាំ​បាច់​លេង​វគ្គ​ជម្រុះ​អ្វី​នោះ​ទេ៕

 

 

 

 

ចែកចាយបន្ត