កីឡាករខ្សែបម្រើជម្រើសជាតិបារាំង និងកំពុងលេងឲ្យក្រុមតោខៀវ Chelsea បានឈ្នះពានរង្វាន់ Profesional Footballer Association Player ប្រចាំរដូវកាល ២០១៦-២០១៧នេះ។
N’golo Kante កំពុងរីករាយយ៉ាងខ្លាំងបន្ទាប់ពីរូបគេ បានឈ្នះពានរង្វាន់ PFA Player រដូវកាលនេះ។ ជាការពិតណាស់ Kante បានបោះឆ្នោតឈ្នះមិត្តរួមក្រុម Edin Hazard , កីឡាករ Harry Kane, Zlatan Ibrahimovic និង Alexis Sanchez។

Kante បានចូលរួមជាមួយ Chelsea នៅរដូវកាលនេះដោយបានជួយតោខៀវ ឲ្យឈរលើកំពូលតារាង Premier League និងបានឡើងទៅវគ្គផ្តាច់ព្រ័ត្រ FA Cup។

គួរបញ្ជាក់ផងដែរថា កាលពីរដូវកាលមុន Kante បានជួយ Leicester City លើក Premier League មុននឹងមកកាន់តោខៀវ Chelsea នៅរដូវកាលនេះ៕