Post News Media ព័ត៌មានកីឡា Perez បង្ហាញន...

Perez បង្ហាញនូវតារា៥រូបដែល Real ត្រូវតែទិញឲ្យបាន

ចែកចាយបន្ត

Talksport ៖ លោក Florentino Perez បានស្នើសុំឲ្យលោក Zidane ត្រូវធ្វើយ៉ាងណានាំយកពួកគេមកកាន់ Real Madrid នៅរដូវក្តៅខាងមុខនេះ។

Real Madrid កំពុងតែប្រជែងយ៉ាងខ្លាំងក្លា ក្នុងការនាំយក តារាល្បីៗ ចំនួន៥រូបមកកាន់ Real Madrid។

លោក Florentino Perez ប្រធានក្លឹប Real Madrid ហាក់កំពុងឆ្លេឆ្លា ក្នុងការនាំយកកីឡាករថ្មីៗ ដែល Real ខនខានមិនបានទិញកីឡាករ២រដូវកាលកន្លងមក។

កីឡាករទាំង៥រូបនោះ រួមមានដូចជា Devid De Gea របស់ Manchester United, Paolo Dybala របស់ក្រុមសេះបង្កង់ Juventus, Pierre-Emerick Aubameyang របស់ Dortmund, Kylian Mbappe របស់ក្រុម Monaco, នឹង Philippe Coutinho របស់ក្រុមហង្សក្រហម Liverpool។

ក៏ប៉ុន្តែ ការនាំយកកីឡាករល្បីៗច្រើនបែបនេះវាអាចប្រឈមជាមួយនឹងកីឡាករនៅក្នុងក្រុម ជាពិសេសទាក់ទងនឹងជម្រើស១១នាក់ដំបូង របស់ Real Madrid។

បើតាមការឲ្យដឹងរបស់ Talksports ដដែល លោកPerez អាចនឹងមានការទិញចូលកីឡាករច្រើនជាងនេះ បើអាចទៅរួចដូចជា Antonie Griezmann, Dele Alli និងកីឡាករមួយចំនួនទៀត៕