Post News Media ព័ត៌មានកីឡា Gerrard ទទួលប...

Gerrard ទទួលបានកាដូកូនប្រុសដំបូង មុនការចាប់អាជីព

ចែកចាយបន្ត

អតីតកីឡាករបាល់ទាត់ដ៏ឆ្នើម Steven Gerrard កំពុងមានការរីករាយយ៉ាងខ្លាំងជាមួយនឹងប្រពន្ធរបស់គាត់ Alex ដែលបានផ្តល់កំណើតកូនប្រុសដំបូងសម្រាប់ពួកគេ។

Gerrard បានទទួលកាដូកូនប្រុសដំបូងដ៏ពិសេសមួយ មុនការទៅដឹកនាំក្រុមLiverpool អាយុក្រោម ១៨ឆ្នាំនៅរដូវកាលក្រោយ។ វាគឺជារឿងដ៏រីករាយបំផុតក្នុងឆាកជីវិតរបស់ Steven Gerrard ដែលកំពុងតែចង់បាននូវកូនប្រុសម្នាក់នៅក្នុងគ្រួសាររបស់គាត់។

Gerrard និង Alex បានផ្តល់កំណើតកូនចំនួន៤នាក់ហើយ ដោយកូនស្រី៣ និងកូនប្រុសតែម្នាក់គត់ដែលទើបតែសម្រាលនៅព្រឹកថ្ងៃសៅរ៍ ទី២៩ ខែមេសានេះ វេលាម៉ោង ៤និង៥៥នាទីព្រឹក។ Steven Gerrard បានដាក់ឈ្មោះឲ្យកូនប្រុសរបស់គាត់ថា Lio George Gerrard ។

គួរបញ្ជាក់ផងដែរថា កូនស្រីទាំង៣របស់ Gerrard មានដូចជាLilly-Ella អាយុ១៣ឆ្នាំ, Lexis អាយុ ១០ឆ្នាំ និង Lourdes អាយុ ៥ឆ្នាំ។ ហេតុនេះហើយការទទួលបានកូនប្រុសដំបូងរបស់ Gerrard គឺជាកាដូដ៏ធំបំផុតរបស់គាត់មុនការចាប់អាជីពជាគ្រូបង្វឹកឲ្យយុវជន Liverpool អាយុក្រោម ១៨ឆ្នាំ៕

ចែកចាយបន្ត