Post News Media ព័ត៌មានកីឡា Atletico និង ...

Atletico និង Real មួយណាជាអ្នកឈ្នះក្នុងជំនួប៤ឆ្នាំជាប់ៗគ្នា យប់នេះ?

ចែកចាយបន្ត

ការប្រកួត UEFA Champion League វគ្គពាក់កណ្តាលផ្តាច់ព្រ័ត្រជើងទី១ និងចាប់ផ្តើមនៅយប់នេះ ខណ:ក្រុមការពារតំណែងជើងឯក Real Madrid បើកទ្វារកីឡដ្ឋាន Santiago Bernabue ទទួលក្រុម Atletico Madrid។

Real Madrid និង Atletico Madrid ហាក់ដូចជារឿងច្រំដែល ដែលក្រុមទាំង២នេះ ជួបគ្នាញឹកញ៉ាប់នៅ UEFA Champion League។ បើគិតត្រឹម ៤រដូវកាលចុងក្រោយ UEFA Champion Leagueនេះ ក្រុមទាំងពីរជួបគ្នា គ្រប់រដូវកាលទាំងអស់។

កាលពីរដូវកាល ២០១៣-២០១៤ Real Madrid បានយកឈ្នះវគ្គផ្តាច់ព្រ័ត្រ (៤-១)នៅម៉ោងបន្ថែម ៩០នាទី (១-១) , រដូវកាល ២០១៤-២០១៥ជួបគ្នាវគ្គ៨ក្រុមចុងក្រោយ ដោយក្នុងទឹកដី Atletico Madrid បានត្រឹម (០-០)បកទៅទឹកដី Real Madrid វិញ Real ឈ្នះ (១-០)។

ចំណែករដូវកាលមុន ២០១៥-២០១៦ក្រុមទាំង២ បានជួបគ្នានៅវគ្គផ្តាច់ព្រ័ត្រទៀត ស្របពេលដែល Real Madrid បានយកឈ្នះដោយបាល់ពិន័យ ១ម៉ែត្រ (៥-៣)បន្ទាប់ពីក្រុមទាំង២ បានត្រឹម (១-១) ក្រោយចប់ការប្រកួត ៩០នាទី និងបន្ថែមម៉ោង១៥ នាទី ២ដង។

នៅក្នុងរដូវកាលនេះក្រុម Atletico Madrid និង Real Madrid បានជួបគ្នាបន្តទៀតនៅវគ្គពាក់កណ្តសលផ្តាច់ព្រ័ត្រ ដែលការប្រកួតនឹងធ្វើនៅរំលងអធ្រាត្រនេះ៕