Post News Media ព័ត៌មានកីឡា Higuain ស៊ុត២...

Higuain ស៊ុត២គ្រាប់ឲ្យ Juventusនៅក្រៅដី

ចែកចាយបន្ត

ខ្សែប្រយុទ្ធអាហ្សង់ទីន Gonzalo Higuain បានរកគ្រាប់បាល់២ គ្រាប់ឲ្យក្រុមសេះបង្កង់ Juventus ក្នុងការយកឈ្នះលើក្រុមម្ចាស់ផ្ទះ Monaco(២-០)។

ជ័យជម្នះរបស់ក្រុម Juventus ក្រៅដីយប់មិញនេះ បានក្លាយជាឱកាសមាសមួយ សម្រាប់ក្រុមអ៊ីតាលីមួយនេះ ក្នុងការឆក់យកឱកាសឡើងទៅកាន់វគ្គផ្តាច់ព្រ័ត្រ។

ខ្សែប្រយុទ្ធ ដែលទើបទិញពី Napoli កាលពីដើមរដូវកាល Gonzalo Heguain បានរកគ្រាប់បាល់បញ្ចូលទី ២គ្រាប់ម្នាក់ឯង ឲ្យ Juventus នៅនាទីទី ២៩និង៥៩។

នេះបញ្ជាក់ឲ្យឃើញថា Juventus មានភាគរយខ្ពស់ក្នុងការឡើងទៅវគ្គផ្តាច់ព្រ័ត្រ ព្រោះការប្រកួតជើងទី២ ធ្វើឡើងក្នុងទឹកដីរបស់ Juvetus ខណ:ដែល Juventusមានគ្រាប់បាល់ ជ័យជម្នះ ២គ្រាប់ក្នុងដៃស្រាប់។

តាមការរំពឹងទុក Juventus អាចឡើងផ្តាច់ព្រ័ត្រ ប៉ះជាមួយក្រុម Real Madrid ប្រសិនបើមើលពី ជ័យជម្នះរបស់ក្រុមទាំង២ លើគូប្រកួត។ ក៏ប៉ុន្តែ លទ្ធផលមិនទាន់ច្បាស់ទេដោយត្រូវរង់ចាំ ការប្រកួតចប់សព្វគ្រប់នៅសប្តាហ៍ក្រោយសិន៕