Post News Media ព័ត៌មានកីឡា Celta Vigo ទទ...

Celta Vigo ទទួល Man Utd យប់នេះ

ចែកចាយបន្ត

បន្ទាប់ពី​ Ajax បានយកឈ្នះក្រុម Lyon ៤-១ កាលពីយប់មិញ នៅរាត្រីនេះក្រុម Celta Vigo និងបើកទ្វារទទួលក្រុម បីសាចក្រហម Manchester United ។

Celta Vigo ក្រុមមកពីអេស្ប៉ាញ មិនសូវជាមានការបារម្ភឡើយនៅក្នុងការទទួលក្រុមមកពីអង់គ្លេស Manchester United ។ ក្រុមទាំង២នេះ មិនមានប្រវត្តិជួបគ្នាឡើយ ព្រោះថាវត្តមានរបស់ក្រុមបីសាចក្រហម Manchester United គឺកម្រលេងនៅក្នុងពានរង្វាន់ Europa League ណាស់។

យ៉ាងណាវិញ ជំនួបនៅវគ្គ ពាក់កណ្តាលផ្តាច់ព្រ័ត្រនេះ គឺជាជំនួបដ៏សំខាន់ដែលក្រុមទាំង២​ ត្រូវត្រៀមខ្លួនដើម្បីឆ្លងទៅកាន់វគ្គផ្តាច់ព្រ័ត្រ។ សម្រាប់ក្រុម Celta Vigo ប្រវត្តិរបស់គេ ក្នុងការជួបជាមួយក្រុមមកពីអង់គ្លេស គឺមធ្យមប៉ុណ្ណោះ ដោយធ្លាប់ឈ្នះ ៥ប្រកួត ចាញ់ ៤ និងមិនដែលស្មើ។

ចំណែកក្រុម Manchester United មានប្រវត្តិជួបក្រុមមកពីអេស្ប៉ាញ មិនសូវល្អឡើយ ដោយធ្លាប់ឈ្នះ ១២លើក ស្មើ ១៩លើក និងចាញ់​ ១៦លើក។ ក៏ប៉ុន្តែ ការប្រកួតនៅក្នុងយប់នេះ មិនទាន់ដឹងក្រុមណា ឈ្នះឬចាញ់នៅឡើយទេ ដោយត្រូវរង់ចាំការប្រកួតចប់ ៩០នាទីសិន​។

ការប្រកួតនឹងត្រូវធ្វើឡើងនៅវេលាម៉ោង ២និង៥នាទីរំលងអាធ្រាត្រនេះ៕

ចែកចាយបន្ត