Post News Media ព័ត៌មានកីឡា លោក ស៊ុំ វណ្ណ...

លោក ស៊ុំ វណ្ណា៖ ទោះបី វេស្ទើនភ្នំពេញ ចាញ់ ប៉ូលិស ២ទល់០ តែនៅជើងទី២សង្ឃឹមឈ្នះ ៧០%

ចែកចាយបន្ត

កាលពីម្សិលមិញ ក្រុមវេស្ទើនភ្នំពេញ បានទទួលបរាជ័យ ២ទល់និង០ ជាមួយក្រុមអគ្គស្នងការដ្ឋាននគរបាលជាតិ ដែលហៅកាត់ប៉ូលិស នៅកីឡដ្ឋានស្តារចាស់ តែគ្រូបង្គោលរបស់វេស្ទើនថា នៅមានសង្ឃឹមវាយបកយកឈ្នះវិញ ៧០% នៅជើងទី២។

បើតាមការសាកសួរពីក្រុមការងារ Post Sport លោក ស៊ុំ វណ្ណា បានប្រាប់ថា៖ « ការប្រកួតថ្ងៃនេះ យើងនៅមានចំណុចខ្វះខាតត្រង់ខ្សែការពារ ប៉ុន្តែនៅតង់ទី២ កូនក្រុមខ្ញុំធ្វើបានល្អ ដូច្នេះ នៅការប្រកួតជើងទី២ ច្បាស់ណាស់ខាងប៉ូលិស និងរៀបចំការពារច្រើន តែខ្ញុំនិងប្រើវិធីប្រយុទ្ធ ឲ្យបានច្រើនព្រោះត្រូវការគ្រាប់បាល់លើសពី ២គ្រាប់ ដើម្បីយកឈ្នះ »។

ហើយលោកបានបន្ថែមទៀតថា យើងនៅមានសង្ឃឹមច្រើននៅការប្រកួតជើងទី២ ព្រោះជាការប្រកួតក្នុងទឹកដី ហើយក្តីរំពឹងមាន ៧០% ក្នុងការវាយបកយកឈ្នះ។

សូមរំលឹកថា ២គ្រាប់ របស់ក្រុមប៉ូលិស រកបានដោយ អុល រ៉ាវី នៅនាទីទី ៣៩ ខណ:ដែល កីឡាករ នួន បុរី នៅនាទីទី ៧៥ ៕