Post News Media ព័ត៌មានកីឡា តើ Aubemayang...

តើ Aubemayang និង Sanchez ពិតជាទៅ Paris ឬយ៉ាងណា?

ចែកចាយបន្ត

បើតាម The Sun បានបង្ហាញឲ្យដឹងថា ខ្សែប្រយុទ្ធ Pirrer Emerick-Aubemayang របស់ក្រុម Dortmundនិង ខ្សែប្រយុទ្ធរបស់ក្រុម Arsenal, Alexis Sanchez កំពុងតែត្រៀមខ្លួនក្នុងការផ្ទេរទៅកាន់ក្លឹបអ្នកមាន Paris Saint Germain។

នៅរដូវកាលខាងមុខនេះ បានក្លាយជារដូវកាលដ៏ក្តៅគគុក នៃការដោះដូរកីឡាករ ពីសំណាក់ក្លឹបធំៗ។ ជាក់ស្តែងណាស់ក្លឹបអ្នកមានបារាំង Paris Saint Germain បានត្រៀមចំណាយលុយយ៉ាងច្រើនក្នុងការនាំយកកីឡាករល្បីៗទៅពង្រឹងក្លឹបនៅរដូវក្តៅខាងមុខនេះ។

តាមរយ: The Sun ដដែលបានឲ្យដឹងថា Paris Saint Germain នឹងចំណាយទឹកប្រាក់ ៥៩លានផោន ដើម្បីនាំយក Aubemayang ពីក្លឹប Dortmund។ ចំណែក Alexis Sanchez វិញ Paris នឹងចំណាយត្រឹមតែ ៤០លានផោនប៉ុណ្ណោះ ព្រោះកីឡាកររូបនេះ បានផុតកុងត្រាជាមួយកាំភ្លើងធំ Arsenal។

យ៉ាងណាវិញនោះដែរ នេះគ្រាន់តែជាការចង់បានរបស់ Paris Saint Germain តែនៅមិនទាន់ដឹងថា កីឡាករទាំង២រូបនេះយល់ព្រមទៅកាន់ Paris Saint Germain ឬយ៉ាងណា ស្របពេល Aubemayang កំពុងទទួលការចាប់អារម្មណ៍ពី Real Madrid រីឯ Alexis Sanchez ក៏ទទួលបានការចាប់អារម្មណ៍ពី Juventus ផងដែរ៕