Post News Media ព័ត៌មានកីឡា ភ្នំពេញក្រោន ...

ភ្នំពេញក្រោន បានចុះកិច្ចសន្យាជាមួយកីឡាករសញ្ជាតិកូរ៉េខាងត្បូង

ចែកចាយបន្ត

ក្លិបបាល់ទាត់ភ្នំពេញក្រោន បានចុះហត្ថលេខានាំយកកីឡាករបរទេសថ្មីជាខ្សែប្រយុទ្ធសញ្ជាតិកូរ៉េខាងត្បូងឈ្មោះ Gisung Yeon កាលពីម្សិលមិញ ជាមួយនឹងកិច្ចសន្យារហូតដល់ចប់ដល់រដូវកាល បន្ទាប់ពីធ្វើតេស្តសមត្ថភាព​នៅសប្តាហ៍មុន។

លោក Oleg Starynskyi ដែលជាគ្រូបង្គោលក្លិប ភ្នំពេញក្រោន បានថ្លែងថា៖« Gisung មានល្បឿនលឿន និងមានការផ្លាស់ទីបានល្អ ជាពិសេសគេមានកម្លាំងគ្រប់គ្រាន់ និងមានបច្ចេកទេសក្នុងការទាត់បញ្ចូលទីច្បាស់ល្អ។

កីឡាករវ័យ ២៧ឆ្នាំ នេះធ្លាប់បានប្រកបអាជីពនៅក្នុងបណ្តាក្លឹបបាល់ទាត់មួយចំនួននៅប្រទេសថៃ និងមីយ៉ាន់ម៉ា ក្នុងអំឡុងពេល ៦ឆ្នាំមកនេះ ។

នៅក្នុងការធ្វើតេស្តសមត្ថភាពពេលជំនួបមិត្តភាព ភ្នំពេញក្រោន ជាមួយក្រុមអាសុីអឺរ៉ុប នាសប្តាហ៍មុន ខ្សែប្រយុទ្ធរូបនេះបានបញ្ជូនបាល់ឲ្យកីឡាករ Shane Booysen ទាត់បញ្ចូលទីបាន ២គ្រាប់ ផងដែរ៕