Post News Media ព័ត៌មានកីឡា Man Utd ជិតទទ...

Man Utd ជិតទទួលបានជោគជ័យក្នុងការនាំយក James មកកាន់ Old Trafford ហើយ

ចែកចាយបន្ត

យោងតាម RCN Radio បានបញ្ជាក់ថា​ James Rodriguez និងភ្នាក់ងាររបស់គាត់ Jorge Mendes បានទៅជួបលោក ​Florentino Perez ដើម្បីស្វែងរកផ្លូវដោះស្រាយទាក់ទងនឹងអនាគត់របស់កីឡាកររូបនេះ។

ជាការពិតណាស់ នៅក្នុងជំនួបនេះ លោក Florentino Perez បានផ្យល់ឱកាសឲ្យ James ត្រឹមបញ្ចប់រដូវកាលនេះ ក្នុងការបង្ហាញវត្តមានបន្តទៀត នៅ Real Madrid។ ក៍ប៉ុន្តែអនាគត់របស់កីឡាករកូឡុំប៊ីរូបនេះនៅមិនទាន់ច្បាស់នៅឡើយទេជាមួយ Real Madrid ដែលមានន័យថា វាជាការផ្តល់ភ្លើងខៀវដល់បីសាចក្រហម Manchester United។ James Rodriguez កាន់តែមិនសប្បាយចិត្តឡើយក្រោមការដឹកនាំរបស់លោក Zidane ដែលមិនសូវផ្តល់ឱកាសឲ្យគាត់លេងក្នុងជម្រើស ១១ នាក់ដំបូង។ មិនតែប៉ុណ្ណោះ សូម្បីកីឡាករបម្រុងដែលត្រូវបានចូលលេង ក៍ James ហាក់មិនសូវមានឈ្មោះថែមទៀត។ ចំពោះការផ្លាស់ទៅកាន់ Man Utd វិញ James នឹងទទួលបានអាវលេខ ១០​តាមរយ:ការចុះកុងត្រាជាមួយ Adidas ដែលតម្រូវឲ្យកីឡាកររូបនេះពាក់លេខ ១០នៅគ្រប់ក្រុមទាំងអស់។ ម្យ៉ាងវិញទៀត Rooney កំពុងតែលេចលឺពត៌មាននៃការចាកចេញទៅកាន់ Chinese Super League នៅរដូវកាលក្រោយនេះ។

គួរបញ្ជាក់ផងដែរថា​ James Rogriguez ទើបតែបានបង្ហាញវត្តមាន ១២ប្រកួតឲ្យ Real Madrid នៅ Laliga រដូវកាលនេះ ក្នុងចំណោម ១០០០នាទីនៃវត្តមានរបស់ James គេអាចស៊ុតបញ្ចូលទីបាន ៨គ្រាប់ និងបោះបាល់ឲ្យមិត្តរួមក្រុមទាត់បញ្ចូលទីបាន ៦គ្រាប់។