Post News Media ព័ត៌មានកីឡា Real​ និង Bar...

Real​ និង Barca ឈ្នះ ៤-១ ដូចគ្នាធ្វើឲ្យ Laliga កាន់តែតានតឹង

ចែកចាយបន្ត

Barcelona​ និង Real Madrid បានយកឈ្នះ លើគូប្រកួតរបស់ពួកគេក្នុងលទ្ធផល ៤-១ ​ដូចគ្នាកាលពីយប់មិញ​ដែលធ្វើឲ្យសមរភូមិ Laliga កាន់តែតានតឹង។

ក្រុមយក្សទាំង ២​​ របស់អេស្ប៉ាញ Barcelona និង Real Madrid នៅតែមិនភ្លាត់ស្នៀតក្នុងការស្វែងរក ៣ពិន្ទុ ដើម្បីប្រជែងយកពាន Laliga រដូវកាលនេះ។

ក្រុមអ្នកមានបុណ្យ Barcelona បានយកឈ្នះ លើក្រុមម្ចាស់ផ្ទះ Las Palmas ៤-១ ដោយការស៊ុត ៣គ្រាប់ម្នាក់ឯងរបស់ Neymar នៅនាទីទី ២៥, ៦៧ ​និង​ ៧១​ ស្របពេលដែល Suarez ស៊ុតបាន ១គ្រាប់ នៅនាទីទី ២៧។ ចំណែក Real Madrid វិញបានយកឈ្នះលើក្រុម Sevilla​ ៤-១​ ដូចគ្នា ដែលស៊ុតបញ្ចូលទីដោយ Nacho Fernandez នៅនាទីទី ១០ Cristiano Ronaldo ២ គ្រាប់នៅនាទីទី ២៣​ និង ៧៨ ​ខណះ ១គ្រាប់ចុងក្រោយរកបានដោយ Toni Kroos នៅនាទីទី ៨៤។

សរុបពិន្ទុសប្តាហ៍ទី ៣៧នេះ Barcelona និង Real Madrid មាន ៨៧ពិន្ទុដូចគ្នា តែ Real Madrid នៅសល់ ២ប្រកួតក្នុងដៃ​ ខណះ Barcelona នៅសល់តែ១ប្រកួតទៀតប៉ុណ្ណោះ។