Post News Media ព័ត៌មានកីឡា ថៃ កោះហៅលោក R...

ថៃ កោះហៅលោក Rajevac មកធ្វើជាគ្រូបង្វឹក

ចែកចាយបន្ត

ក្រុមជម្រើសជាតិថៃ បានសម្រេចចិត្តនាំយកគ្រូបង្វឹកបរទេស មកដឹកនាំហើយ បន្ទាប់ពីការប្រកួតជម្រុះ World Cup ធ្វើមិនបានល្អ នាពេលកន្លងមកនេះ។

លោក Milovan Rajevac ជនជាតិស៊ែប៊ី នឹងក្លាយជាគ្រូបង្វឹករបស់ក្រុមជម្រើសជាតិថៃ នាពេលខាងមុខនេះ ក្រោយពេលដែលលោក Kiatisuk Senamuang ដែលដឹកនាំមិនជោគជ័យសោះក្នុងការជម្រុះ World Cup 2018 នៅរុស្ស៊ី។ លោក Rajevac នឹងត្រូវដឹកនាំការប្រកួតដំបូងឲ្យក្រុមជម្រើសជាតិថៃ ក្នុងការប្រកួតមិត្តភាពជាមួយនឹងក្រុមជម្រើសជាតិអូបេគីស្ថាន នៅថ្ងៃទី ៦ មិថុនាខាងមុខនេះ។

ជាងនេះទៅទៀត គ្រូបង្វឹកស៊ែប៊ីរូបនេះ នឹងត្រូវដឹកនាំការប្រកួតជម្រុះ World Cup ជាមួយនឹងអារ៉ាប់រួម នៅ ៦ ថ្ងៃក្រោយការប្រកួតមិត្តភាពនេះ។ ចាំមើល គ្រូបង្វឹកថ្មីរូបនេះ នឹងអាចដឹកនាំក្រុមជម្រើសជាតិថៃ បានប្រសើរជាងមុន ឬយ៉ាងណា?