Post News Media ព័ត៌មានកីឡា គ្រូបង្គោល គី...

គ្រូបង្គោល គីរីវង់សុខសែនជ័យ ថាជឿជាក់ខ្លាំង ប៉ះជាមួយ អាសុីអឺរ៉ុប ល្ងាចនេះ

ចែកចាយបន្ត

ក្រុមបាល់ទាត់គីរីវង់សុខសែនជ័យ និងត្រូវប្រកួតជាមួយ ក្រុមអាសុីអឺរ៉ុបយូណាយធីត នៅវេលាម៉ោង ៦ ល្ងាច ថ្ងៃទី ៣១ ខែ ឧសភា នេះ លើកីឡដ្ឋានស្តាតចាស់ ក្នុងការប្រកួតពានរង្វាន់សម្តេច ហ៊ុន សែន នៃដំណាក់កាលទី ​៤ ជើងទី ១​ ខណ:ដែលលោក ផាន់ ចាន់ផាត ថានិងយកជ័យជម្នះឲ្យបាន ព្រោះជាការប្រកួតកីឡាករខ្មែរ និង ខ្មែរ។

លោក ផាន់ ចាន់ផាត ដែលជាគ្រូបង្គោលក្រុមបាននិយាយថា៖ « ចំពោះក្រុមរបស់ខ្ញុំនិងរៀបចំឲ្យល្អ ជាងការប្រកួតក្នុងលីគ ទោះប្រកួតក្រៅដីក៏ដោយ ក្នុងជំនួបនេះខ្ញុំមានការជឿជាក់ខ្លាំង សម្រាប់ការប្រលីគក្រុមយើងធ្វើមិនបានល្អ តែសម្រាប់ពានរង្វាន់ ហ៊ុន សែន ខាប់ ជួបជាមួយអាសុីអឺរ៉ុប នេះ មានសង្ឃឹមឡើងទៅវគ្គបន្តបាន »។ លោកបានបន្ថែមថា​ ការប្រកួតនេះត្រូវប្រ់ប្រាស់កីឡាករខ្មែរដូចគ្នា ចឹងមិនសូវបានរម្មណ៍ទេ ព្រោះក្រុមគេពឹងតែលើកីឡាករបរទេសទេ។

សូមរំលឹកឡើងវិញថា ក្រុមអាសុីអឺរ៉ុបយូណាយធីត ធ្លាប់យកឈ្នះ គិរីវង់សុខសែនជ័យ ៣ទល់០ មកហើយ កាលពីថ្ងៃទី ២៨ ខែ ឧសភា កន្លងទៅ ក្នុងពានរង្វាន់លីគកំពូលកម្ពុជា សប្តាហ៍ទី ១២ នៅកីឡដ្ឋានស្តាតចាស់៕

ចែកចាយបន្ត