Post News Media ព័ត៌មានកីឡា Asensio បង្ហា...

Asensio បង្ហាញទម្រង់លេងយ៉ាងល្អ នៅក្នុងការប្រកួត Euro U-21

ចែកចាយបន្ត

ខ្សែបម្រើប្រយុទ្ធរបស់ក្រុមស្តេចស Real Madrid កីឡាករ Marco Asensio បានធ្វើឲ្យមានការចាប់អារម្មណ៍យ៉ាងខ្លាំង នៅក្នុងព្រឹត្តិការណ៍ Euro U-21 ក្នុងពូល B ក្រោយពីបើកឆាកការប្រកួតរកបាន ៣គ្រាប់ឲ្យក្រុមជម្រើសជាតិអាយុក្រោម ២១ ឆ្នាំរបស់អេស្ប៉ាញ។

ជ័យជម្នះលើក្រុម Macedonia ៥-០ នៅក្នុងការប្រកួតបើកឆាក ពូល B របស់ក្រុមអេស្ប៉ាញ ពិតជាអស្ចារ្យខ្លាំងណាស់ ខណះខ្សែបម្រើប្រយុទ្ធ Marco Asensio របស់ក្រុម ស្តេចស Real Madrid ធ្វើបានយ៉ាងល្អ ក្នុងជំនួបបើកឆាកនេះ។ ៣គ្រាប់របស់ Asensio រកបសននៅនាទីទី ១៦, ៥៤ និង ៧២, ចំណែក ២គ្រាប់ផ្សេងទៀតរកបានដោយកីឡាករ Niguez នៅនាទីទី ១០ និងការស៊ុតបាល់ ១១ម៉ែត្ររបស់កីឡាករ Deulofeu នៅនាទីទី ៣៥។

ក្រុមអេស្ប៉ាញ បានឡើងឈរលេខ ១ ក្នុងពូល B បណ្តោះអាសន្នសិន បើទោះបី Portugal បានឈ្នះការប្រកួតដូចគ្នា តែគ្រាប់បាល់តិចជាងអេស្ប៉ាញ។ ដូច្នេះហើយ Asensio នឹងព្យាយាមបន្តទៀត ដើម្បីជួយក្រុមជម្រើសជាតិអាយុក្រោម ២១ របស់ពួកគេឲ្យទទួលបានជោគជ័យជាបន្តទៀត៕

ចែកចាយបន្ត