Post News Media ព័ត៌មានកីឡា Perez ជាប់ឆ្ន...

Perez ជាប់ឆ្នោតជាប្រធានក្លិប Real Madrid រហូតដល់ឆ្នាំ ២០២១

ចែកចាយបន្ត

លោក Florentino Perez ត្រូវបានជាប់ឆ្នោតជាថ្មីម្តងទៀត ក្នុងនាមជានាយកប្រតិបត្តិ ឬប្រធានក្លិបបន្ទាប់ពីទទួលបានសម្លេងឆ្នោតច្រើនជាងគេ នៅក្នុងការបោះឆ្នោតជ្រើសរើសប្រធានក្លិប Real Madrid ដែលធ្វើឡើងរយ:ពេល ៤ឆ្នាំម្តង។

នេះគឺជាឱកាសទី ៣ហើយសម្រាប់ប្រធានក្លិប Real Madrid លោក Florentino Perez ដែលត្រូវបានបោះឆ្នោតទទួលសេចក្តីទុកចិត្ត ក្នុងការបន្តគ្រប់គ្រងក្លិបយក្ស Real Madrid រហូតដល់ឆ្នាំ ២០២១។ នេះគឺជា ភារកិច្ចមួយយ៉ាងសំខាន់ ដែលលោក Perez ត្រូវតែដោះស្រាយបញ្ហា ដែលកំពុងតែកើតមាននៅ Real Madrid នាពេលបច្ចុប្បន្ននេះ។ លោក Florentino មកទល់នឹងពេលនេះ បានដឹកនាំក្រុម Real Madrid ក្នុងនាមជាប្រធានក្លិបជាច្រើនលើកកន្លងមកហើយ ដែលប្រធានក្លិបវ័យ ៧០ឆ្នាំរូបនេះ ធ្លាប់ដឹកនាំ Real Madrid ដំបូងនៅក្នុងឆ្នាំ ២០០០-២០០៦ ក្នុងពេលនោះលោកបានទិញកីឡាករ Luiz Figo, David Beckham និង Ronaldoដែលក្នុងការដឹកនាំនេះ ក្លិបបានឈ្នះពាន Laliga ២លើក និង Champion League ចំនួន១លើក។

នៅឆ្នាំ ២០០៦ គាត់ត្រូវបានធ្លាក់ឆ្នោតពីប្រធានក្លិប បន្ទាប់ពីដឹកនាំក្លិប ៣ រដូវកាលចុងក្រោយ មិនឈ្នះពានសោះ។ ក៍ប៉ុន្តែ​ លោក Perez បានមកកាន់តំណែងជាថ្មី នៅឆ្នាំ ២០០៩ ដោយបានរួមចំណែកទិញយកកីឡាករឆ្នើមៗ ដូចជា Xabi Alonso, Karim Benzema, Kaka និង Cristiano Ronaldo។ ចាប់តាំងពីពេលនោះមក ក្លិបបានបន្តឈ្នះពានជាហូរហែរ រហូតដល់ការបោះឆ្នោតចុងក្រោយនេះលោក បានជាប់ជាប្រធានក្លិប Real Madrid ជាថ្មីម្តងទៀត។

គួរបញ្ជាក់ផងដែរថា ក្រោមការដឹកនាំក្លិប Real Madrid របស់លោក Florentino Perez ក្លិបធ្លាប់បណ្តេញអ្នកចាត់ការទូទៅចំនួន ៦រូបមកហើយ។