Post News Media ព័ត៌មានកីឡា Pepe៖ អនាគត់រ...

Pepe៖ អនាគត់របស់ខ្ញុំ បានសម្រេចរួចហើយ

ចែកចាយបន្ត

បើតាមពត៌មាន ដែលទទួលបានពី Moscow បានឲ្យដឹងថា ខ្សែការពារ Pepe របស់ក្រុមយក្ស Real Madrid បានសម្រេចចិត្តចាកចេញពី Real Madrid ហើយនាពេលឆាប់ៗនេះ។

ខ្សែការពាររូបនេះ ត្រូវបានបណ្តាញសារពត៌មានជាច្រើន នៅក្នុងទីក្រុង Moscow ចុះផ្សាយថា នៅក្រោយចប់ការប្រកួត Confederation Cup នេះ គឺជាពេលដែលរូបគេ សម្រេចពីអនាគត់របស់គេហើយ។ Pepe ត្រូវបានឲ្យដឹងថា ខ្សែការពារដ៍រឹងមាំរូបនេះ នឹងផ្លាស់ទៅកាន់ក្លិប Paris Saint Germain នៅលីគកំពូលរបស់ប្រទេសបារាំង ដោយមិនមានតម្លៃខ្លួនផ្ទេរឡើយ។ ការសម្រេចចិត្តចុងក្រោយ នៅក្នុងការផ្ទេរនេះ ដោយសារតែ នៅ Real Madrid ពោរពេញទៅដោយ កីឡាករមានសមត្ថភាពច្រើន ដូចជា Raphael Varane និង Nacho Fernandez ជាដើមកំពុងលេងឡើងជើង និងជាគូប្រជែងក្នុងជម្រើស ១១នាក់ដំបូងជាមួយ Pepe។ នេះមិនមែនជាលើកទីមួយឡើយ ដែលសារពត៌មាន បានចុះផ្សាយពីការចាកចេញរបស់ Pepe ក៍ប៉ុន្តែ ពត៌មានចុងក្រោយ ដែលទទួលបានពី Moscow គឺ Pepe នឹងទៅ Paris Saint Germain នៅពេលដ៍ខ្លីខាងមុខនេះ ព្រោះថា កុងត្រារបស់ Pepe នៅ Real Madrid ត្រូវចប់នៅចុងខែនេះហើយ។

ដូច្នេះហើយ Pepe នឹងមានសេរីភាពក្នុងការផ្លាស់ទៅកាន់ក្លិបថ្មី ស្របពេលដែល Real Madrid មិនទាន់លេចលឺ ពត៌មានក្នុងការបន្តកុងត្រាថ្មីជាមួយខ្សែការពារវ័យ ៣៤ឆ្នាំរូបនេះឡើយ។ អ្នកតាមដានបាល់ទាត់ទាំងអស់ជឿជាក់ថា ការផ្លាស់ទៅកាន់ Paris Saint Germain ជារឿងដ៍ល្អសម្រាប់ Pepe ដែលនឹងស្ថិតក្នុងជម្រើស ១១នាក់ដំបូង ជាជាងនៅ Real Madrid។