Post News Media ព័ត៌មានកីឡា Wenger ដូរគោល...

Wenger ដូរគោលដៅក្រោយបរាជ័យ នាំយក Mbappe មកកាន់ Arsenal

ចែកចាយបន្ត

លោក Arsene Wenger មានការខកចិត្តយ៉ាងខ្លាំង បន្ទាប់ពីខ្សែប្រយុទ្ធវ័យក្មេងរបស់ក្រុម AS Monaco កីឡាករ Kylian Mbappe សម្រេចជ្រើសយក Real Madrid ។

បើតាម Daily Mail បានឲ្យដឹងថា ក្រោយពីខនខានក្នុងការនាំយក Kylian Mbappe មកកាន់កាំភ្លើងធំ Arsenal លោក Arsene Wenger អ្នកចាត់ការទូទៅរបស់ក្រុម បានសម្រេចចិត្តបង្វែរគោលដៅមករកកីឡាករ Anthony Martial ពីក្រុមបីសាចក្រហម Manchester United វិញ។ លោក Wenger បានត្រៀមទឹកប្រាក់ប្រមាណជា ៤០លានផោន ក្នុងការចរចារជាមួយ Man Utd ដើម្បីទិញយក Martial នារដូវក្តៅខាងមុខនេះ។ បើតាម Daily Mail ដដែលបានឲ្យដឹងថា Arsene Wenger មានគោលដៅចំបង ក្នុងការនាំយក Martial មកកាន់ Arsenal ព្រោះថា អ្នកចាត់ការបារាំងរូបនេះ និងមិនឲ្យភ្លាត់ស្នៀត ក្នុងការនាំយកកីឡាកររូបនេះឡើយ។ ម្យ៉ាងវិញទៀត Man Utd កំពុងតែត្រៀមនាំយកកីឡាករមកថ្មីដែលអាចធ្វើឲ្យតំណែងរបស់ Martial ដែលមិនប្រសើរស្រាប់នោះ កាន់តែលំបាកថែមទៀត។

ដូច្នេះហើយ លោក Wenger ជឿជាក់យ៉ាងមុតមាំថា ទឹកប្រាក់ ៤០លានផោន ដែលក្លិបត្រៀមនាំយក Anthony Martial នឹងប្រាកដជាទទួលបានជោគជ័យជាក់ជាមិនខាន។