Post News Media ព័ត៌មានកីឡា Kimmich នឹងមិ...

Kimmich នឹងមិនចាកចេញពី Bayern Munich ឡើយ

ចែកចាយបន្ត

កីឡាករឆ្នើមអាឡឺម៉ង់ Joshua Kimmich បានព្រលយនូវសម្តីប៉ុន្មានឃ្លា ដើម្បីលុបបំបាត់នូវពាក្យចរចាមអារាម ដែលថារូបគេចាកចេញពី Bayern Munich នៅរដូវក្តៅនេះ។

ការចុះផ្សាយរបស់ប្រព័ន្ធផ្សព្វផ្សាយជាច្រើនក្នុងប្រទេសអាឡឺម៉ង់ បានឲ្យដឹងថា កីឡាករ Joshua Kimmich មិនចាកចេញពី Bayen Munich ឡើយ។ ជាការពិតណាស់ តាមរយ:សម្តី ប៉ុន្មានឃ្លា ដែលកីឡាកររូបនេះ បាននិយាយានោះគឺ៖ ក្នុងរយ:ពេល ២ឆ្នាំចុងក្រោយនេះ ខ្ញុំបានលេងច្រើនជាងកីឡាករមួយចំនួន ខ្ញុំគិតងា ខ្ញុំបានអភិវឌ្ឍន៍៍ការប្រកួតរបស់ខ្ញុំហើយ។ Bayern Munich គឺជាក្រុមមួយក្នុងចំណោមក្លិបចំនួន ៣ ដែលល្អបំផុតក្នុងពិភពលោក។ មានកីឡាករតិចតួចណាស់ ដែលមានឱកាសក្លាយជាផ្នែកមួយនៃក្លិបនេះ វាពិតជាអស្ចារ្យណាស់ក្នុងការចូលរួមជាមួយក្រុម Bayern Munich ។ អ្វីដែលសំខាន់ឥលូវនេះ គឺការលេង ហើយសម្រាប់ពេលបច្ចុប្បន្ន នេះខ្ញុំចូលចិត្តលេងនៅខាងស្តាំជាងការលេងជាកីឡាករបម្រុង។

តាមរយ:សម្តីខាងលើនេះ អាចបញ្ជាក់យ៉ាងច្បាស់ថា Joshua Kimmich នឹងមិនចាកចេញពីក្រុម Bayern Munich ឡើយ ថ្វីបើមានពសក្យចរចាមអារាម នៃការចាកចេញរបស់រូបគេក៍ដោយ។ ហេតុនេះហើយ វាគឺជារឿងមួយ ដ៍សប្បាយចិត្តបំផុតសម្រាប់អ្នកគាំទ្រក្រុម Bayern Munich ដែលមិនបាត់បង់កីឡាករឆ្នើមមួយរូបនេះឡើយ។