Post News Media ព័ត៌មានកីឡា ទូច រ៉ូម៉ា បន...

ទូច រ៉ូម៉ា បន្ទាប់ពីជាពីរបួសការបង្ហាញខ្លួនលើទីលានមិនបានល្អដូចមុន

ចែកចាយបន្ត

កីឡាករខ្សែប្រយុទ្ធ ទូច រ៉ូម៉ា ដែលទើបតែផ្ទេមកក្លិប វេស្ទើនភ្នំពេញ ខណ:ពេលនៅក្លិបចាស់ត្រូវបានសម្រាកដោយសាររបួសប្រេះឆ្អឹងជើងអស់រយ:ពេលជាច្រើនខែមក ពេលនេះជាសះស្បើយ អាចបង្ហាញខ្លួនវិញ តែហាក់ធ្លាក់ទម្រង់។

បើតាមសម្តីរបស់អតីតកីឡាករក្រសួងការពារជាតិរូបនេះ បាននិយាយថា៖ « ក្នុងការបង្ហាញខ្ឡួនលើកតំបូងនេះ ខ្ញុំមានឱកាសច្រើនដែរតែ មិនអាចធ្វើបានសម្រេច »។ កីឡាករដដែលបានបន្ថែមថា របួសរបស់ខ្ញុំជាសះស្បើយបានប្រហែលជា ៩៥% ហើយ តែចលនានៅលើទីលាន មិនអាចលឿនដូចមុនទេ។​ សូមបញ្ជាក់ផងដែរ រ៉ូម៉ា ទើបតែបង្ហាញខ្លួនជាផ្លូវការបាន ១ ប្រកួត ប៉ុន្នោះដែលចាប់តាំងពីចូលរួមជាមួយក្រុមវេស្ទើនភ្នំពេញមក និងមិនទាន់រកគ្រាប់បាល់បាននៅឡើយទេ ក្នុងរដូវកាលដោះដូរកីឡាករកាលពីប៉ុន្មានខែមុខ។

សូមរំលឹកផងដែរថា​ ការចាប់អាជីបជាមួយបាល់ទាត់លើកដំបូងរបស់ ទូច រ៉ូម៉ា គឺក្រុម ឆ្មាខ្មៅខេត្តស្វាយរៀង បន្ទាប់មកក៏ផ្ទេមកចូលរួមជាមួយ ក្រសួងការពារជាតិ និងបច្ចុប្បន្នកំពុងប្រកបអាជីបជាមួយ វេស្ទើនភ្នំពេញ៕