Post News Media ព័ត៌មានកីឡា ចុងក្រោយ Pepe...

ចុងក្រោយ Pepe សម្រេចចិត្តមក Besiktas

ចែកចាយបន្ត

បន្ទាប់ពីកុងត្រាជាមួយនឹងក្រុមស្តេចស Real Madrid ត្រូវបានបញ្ចប់ ខ្សែការពារដ៍ឆ្នើម Pepe បានសម្រេចចិត្តមកចូលរួមជាមួយនឹងក្រុម Besiktas របស់ប្រទេសតួគី។

បើតាមការចុះផ្សាយរបស់ Mirror នៅប៉ុន្មានម៉ោងមុននេះ ខ្សែការពារដ៍ឆ្នើម Pepe បានចុះកិច្វសន្យាជោគជ័យជាមួយនឹងក្រុម ជើងឯកតួគី Besiktas ហើយ។ Pepe ត្រូវបានឲ្យដឹងថា ការទៅលេងនៅក្លិបតួគីនេះ គឺរូបគេមិនមានតម្លៃខ្លួននៃការផ្ទេរឡើយ តែរូបគេនឹងទទួលបានប្រាក់ប្រចាំសប្តាហ៍ច្រើនគួរសមផងដែរ។ ជាការពិតណាស់ នៅមុនការផ្ទេរទៅកាន់ក្លិប Besiktas នេះដែរ Pepe ត្រូវបានសារពត៌មានជាច្រើន បានចុះផ្សាយថា ខ្សែការពារព័រទុយហ្គាល់រូបនេះ នឹងទៅលេងនៅក្រុម Paris Saint Germain នៅលីគកំពូលរបស់បារាំង។ ក៍ប៉ុន្តែ នៅព្រឹកនេះ Pepe បានធ្វើឲ្យមន្ទិលសង្ស័យ ជាច្រើនត្រូវបានបញ្ចប់ក្រោយរូបគេ បានសម្រេចចិត្ត ចុះកិច្ចសន្យាលេងឲ្យក្រុមតួគី Besiktas ។

ដូច្នេះហើយ Pepe នឹងបាត់មុខពីលីគអេស្ប៉ាញចាប់ពីពេលនេះតទៅហើយ ដោយត្រូវទៅលេងនៅលីគកំពូលរបស់តួគីវិញ។ សម្រាប់អ្នកគាំទ្រខ្សែការពាររូបនេះ ក៍នឹងលែងបានឃើញ ការលេងរបស់ Pepe បានញឹកញ៉ាប់ដូចមុនផងដែរ។