Post News Media ព័ត៌មានកីឡា Mbappe មិនមក ...

Mbappe មិនមក Arsenal តែក្រុមយក្ស ២ដែលមានកៅអី Champion League កំពុងតែតឹងសរសៃក ដាក់គ្នា

ចែកចាយបន្ត

ក្រោយពីការបដិសេធ មិនមកកាន់កាំភ្លើងធំ Arsenal ដោយហេតុថា Kylian Mbappe ចង់លេងនៅChampion League នោះ ខណះពេលនេះសង្រ្គាមកំពុងតែផ្ទុះ កាន់យែខ្លាំងរវាងក្រុមយក្ស២ នៅអឺរ៉ុប។

បើតាម The Sun បានឲ្យដឹងថា Kylian Mbappe មិនចង់មក Arsenal ទេ ដោយហេតុផលថា កីឡាករវ័យក្មេងបារាំងរូបនេះ ចង់លេង Champion League នៅរដូវកាលក្រោយ។ ជាក់ស្តែងណាស់ នៅក្នុងពេលនេះ ក្រុមអ្នកមានមកពីបារាំង Paris Saint Germain និងក្រុមជើងឯក​Champion League ១២សម័យកាល Real Madrid កំពុងតែប្រជែងគ្នាចង់បានកីឡាករវ័យ ១៨ឆ្នាំរូបនេះ។ ម្យ៉ាងវិញទៀត ក្រុមទាំងពីរ បានត្រៀមនូវទឹកប្រាក់កំណត់ត្រា រហូតដល់ទៅ ១២០លានផោន ក្នុងការនាំយក Kylian Mbappe ទៅកាន់ក្លិបរបស់ពួកគេរៀងៗខ្លួន។ The Sun ដដែល បានឲ្យដឹងបន្ថែមទៀតថា Real Madrid និង Paris Saint Germain កំពុងតែខ្នះខ្នែងយ៉ាងពេញទំហឹង ដើម្បីធ្វើយ៉ាងណាលួងលោមខ្សែប្រយុទ្ធរូបនេះឲ្យចាកចេញពី ក្រុម Monaco នៅរដូវកាលដោះដូរកីឡាករខាងមុខនេះ។

ចំពោះបញ្ហានេះដែរ ត្រូវបានអ្នកវិភាគជាច្រើន ជឿជាក់ថា Mbappe នឹងមកកាន់ក្រុមយក្ស Real Madrid ព្រោះថា កីឡាកររូបនេះ មានទំនាក់ទំនងយ៉ាងល្អជាមួយ លោក Zidane អ្នកចាត់ការទូទៅរបស់ក្លិប។ ម្យ៉ាងវិញទៀត Mbappe មានឱកាសច្រើន ក្នុងការបង្ហាញក្នុងឈុត ១១នាក់ ស្របពេលដែល លោក Zidane ធ្លាប់បាននិយាយាថា Mbappe នឹងមកជំនួសតំណែងកីឡាករជួរមុខ BBC ម្នាក់ក្ុងចំណោម Ronaldo, Benzema និង Gareth Bale។ ក៍ប៉ុន្តែ ក្រុម Paris Saint Germain មិនបោះបង់ឱកាសនេះដែរ ព្រោះថា ក្លិបអ្នកមានមួយនេះ មិនស្តាយលុយនោះឡើយ ចំពោះកីឡាកររូបណា ដែលក្លិបស្រឡាញ់ ជាងនេះទៅទៀត Paris Saint Germain ជាក្លិបដែលលេងនៅលីគអាជីពរបស់បារាំងស្រាប់ ភាគច្រើននៃកីឡាករបារាំងចង់លេង នៅក្នុងស្រុករបស់ខ្លួន។

យ៉ាងណានេះគ្រាន់តែជាសមរភូមិមួយប៉ុណ្ណោះ សម្រាប់ក្រុម Real Madrid និង Paris Saint Germain ក្នុងការប្រជែងគ្នា ក្នុងការដណ្តើមយក Kylian Mbappe ។ លទ្ធផលយ៉ាងណាវិញនោះ នៅមិនទាន់ដឹងឡើយ ដោយរង់ចាំការសម្រេចចិត្តពី Kylian Mbappe ជាមុនសិន។