Post News Media ព័ត៌មានកីឡា រវាង Luiz និង...

រវាង Luiz និង Cahill តើមួយណាសាកសមជាប្រធានក្រុមថ្មីសម្រាប់តោខៀវ Chelsea នៅរដូវកាលក្រោយនេះ

ចែកចាយបន្ត

ក្រោយពីការចាកចេញរបស់ប្រធានក្រុមចាស់ John Terry ក្រុមតោខៀវ Chelsea បានសម្លឹងឃើញខ្សែការពារកណ្តាល ២រូប គឺ David Luiz និង Garry Cahill ក្នុងការប្រជែងគ្នា ធ្វើជាប្រធានក្រុមថ្មីសម្រាប់ក្លិបជើងឯក Premire League មួយនេះ។

David Luiz និង Garry Cahill គឺជាខ្សែការពារកណ្តាល សំខាន់បំផុតរបស់ក្រុមតោខៀវ Chelsea នាពេលបច្ចប្បន្ននេះ។ ជាក់ស្តែងណាស់ ក្រោយពី John Terry បានចាកចេញទៅកាន់ក្រុម Aston Villa បានធ្វើឲ្យតំណែងប្រធានក្រុម Chelsea នៅចំហរចោល ខណះបេក្ខភាព Luiz និង Cahill កំពុងត្រូវបានពិភាក្សា ដោយសារកីឡាករទាំង២ សុទ្ធតែធ្លាប់កាន់តួនាទីប្រធានក្រុម ជំនួស John Terry ។ បើតាម The Sun បានឲ្យដឹងថា លោក Antonio Conte នៅមិនទាន់សម្រេចចិត្តច្បាស់នៅឡើយទេ ក្នុងការដាក់កីឡាករណាម្នាក់ ជាប្រធានក្រុមជំនួស John Terry តែលោកបានសម្លឹងឃើញ Luiz និង Cahill ដែលសុទ្ធសឹងជាកីឡាករ មានបទពិសោធន៍ ក្នុងទីលាន និងឆ្នើមៗសម្រាប់ក្លិប។

Luiz និង Cahill សុទ្ធតែធ្លាប់កសន់តំណែង ប្រធានក្រុមដូចៗគ្នា នៅពេលដែលអវត្តមាន John Terry ក្នុងការប្រកួត។ ម្យ៉ាងវិញទៀត សម្រាប់កីឡាករទាំង២នេះ គឺជាការសម្រេចចិត្តដ៍លំបាកក្នុងការសម្រេចឲ្យជំនួស និងជាប្រធានក្រុមថ្មីរបស់ Chelsea ។ ក៍ប៉ុន្តែ ការចុះផ្សាយរបស់ The Sun បានឲ្យដឹងថា បេក្ខភាព ដែលអាចនឹងក្លាយជាប្រធានក្រុម របស់ Chelsea ថ្មី ទំនងជាបានទៅលើ ខ្សែការពារប្រេស៊ីល David Luiz ព្រោះថាកីឡាកររូបនេះ មានបទពិសោធន៍ច្រើនជាមួយក្លិប ហើយលេងនៅក្លិបមុន Cahill មកដល់ម្លេះ បើទោះបីជា Luiz ធ្លាប់បានផ្លាស់ទៅកាន់ Paris Saint Germain ម្តងក៍ដោយ។

យ៉ាងណាក៍ដោយ Cahill ក៍ជាបេក្ខភាពសំខាន់មួយរូបដែរ ដែលអាចឈ្នះជាប្រធានក្រុម Chelsea ព្រោះថា Cahill ជាជនជាតិអង់គ្លេសស្រាប់ ហើយមានបទពិសោធន៍យ៉ាងល្អ ជាមួយក្លិបផងដែរ។ ចាំមើលថា រវាង David Luiz និង Garry Cahill មួយណានឹងក្លាយជាប្រធានក្រុមរបស់ក្រុម តោខៀវ Chelsea ថ្មីនៅរដូវកាលក្រោយនេះ?

ចែកចាយបន្ត