Post News Media ព័ត៌មានកីឡា អបអរសាទរ សម្រ...

អបអរសាទរ សម្រាប់ក្រុម Bayern Munich ជោគជ័យក្នុងការនាំយកខ្សែបម្រើប្រយុទ្ធ James Rodriguez

ចែកចាយបន្ត

ចុងក្រោយ ពត៌មានរបស់កីឡាករឆ្នើមកូឡុំប៊ី James Rodriguez ត្រូវបានបញ្ចប់ ក្រោយពីក្រុម Real Madrid យល់ព្រមឲ្យក្រុម Bayern Munich ខ្ចីជើងកីឡាកររូបនេះរយ:ពេល ២ឆ្នាំ។

James Rodriguez បានវិលទៅជួបលោក Carlo Ancelotti ដែលជាអ្នកចាត់ការនាំរូបគេទៅកាន់ Real Madrid កាលពីចុងឆ្នាំ ២០១៤ កន្លងមកវិញហើយ។ បើតាមផេកផ្ទាល់របស់ក្រុម Bayern Munich បានឲ្យដឹងថា James Rodriguez នឹងក្លាយជាសមាជិកថ្មីមួយរូបរបស់ក្រុម ជើងឯកអាឡឺម៉ង់ មួយនេះចាប់ពីពេលនេះតទៅរហូតដល់ ថ្ងៃទី ៣០ មិថុនា ឆ្នាំ ២០១៩។ James កាលពីរដូវកាលកន្លងមក ហាក់មិនសូវបានលេងឡើង សរុបដែលកីឡាកររូបនេះលេងឲ្យ Real Madrid ១១១ប្រកួតកន្លងមក James ស៊ុតបាន ៣៦គ្រាប់ និងបោះបាល់ឲ្យមិត្តរួមក្រុមស៊ុតបាន ៤១គ្រាប់។ បើតាមប្រភពដដែល James Rodriguez អាចនឹងទៅជំនួសតំណែងរបស់ កីឡាករ Ajen Rubben ដូច្នេះហើយ James អាចនឹងពាក់អាវលេខ១០ ក្នុងក្រុម Bayern Munich ។

យ៉ាងណាវិញ នេះគ្រាន់តែជាការរំពឹងទុកប៉ុណ្ណោះ ក៍ប៉ុន្តែ ចំពោះវត្តមានរបស់ James នៅ Bayern Munich កំពុងតែចាប់ផ្តើមហើយ ព្រោះថា ខ្សែបម្រើប្រយុទ្ធវ័យ ២៥ឆ្នាំរូបនេះ មានឈ្មោះក្នុងបញ្ជីរបស់ក្រុម Bayern Munich សម្រាប់ការចេញទៅប្រកួតក្នុងថ្ងៃអាទិត្យនេះ ក្នុងពានរង្វាន់ Audi Summer Tour នៅប្រទេសចិន និងសឹង្ហបូរី។ ដូច្នេះហើយ James Rodriguez បានក្លាយជាសមាជិកថ្មីរបស់ក្រុម Bayern Munich ខណះ Man Utd និង Chelsea បានត្រឹមតែខកចិត្តប៉ុណ្ណោះ។