Post News Media ព័ត៌មានកីឡា Portugal និង ...

Portugal និង England ជួបគ្នាវគ្គផ្តាច់ព្រ័ត្រ Euro U-19

ចែកចាយបន្ត

ក្រុមបាល់ទាត់យុវជនអាយុក្រោម ១៩ឆ្នាំ Portugal និង England នឹងត្រូវជួបគ្នា នៅក្នុងវគ្គផ្តាច់ព្រ័ត្រ នៃការប្រកួត Euro U-19 នៅថ្ងៃទី ១៥ កក្កដាខាងមុខនេះ។

នេះគឺជាជំនួបមួយយ៉ាងសំខាន់ សម្រាប់ក្រុមយុវជន អាយុក្រោម ១៩ឆ្នាំ របស់ Portugal និង England ដែលត្រួវជួបគ្នានៅវគ្គផ្តាច់ព្រ័ត្រ។ បើនិយាយពីប្រវត្តិរវាងក្រុមទាំង២ ក្នុងឈុតធំវិញ England តែងតែបរាជ័យ ដោយការស៊ុតបាល់ពិន័យ ១១ម៉ែត្រ កាត់សេចក្តី រហូត ដោយពុំធ្លាប់ឆ្លងផុត ពីក្រុម Portugal ឡើយ។ ក៍ប៉ុន្តែ សម្រាប់ការប្រកួត វគ្គផ្តាច់ព្រ័ត្រ Euro U-19 នេះ ក្រុមយុវជនរបស់ England បានត្រៀមខ្លួនរួចជាស្រេច ក្នុងការ កែប្រែកំណត់ត្រាថ្មី មិនឲ្យច្រំដែលឡើយ។ យ៉ាងណាវិញ ក្រុមយុវជនរបស់ Portugal ក៍មិនបណ្តោយឲ្យឱកាសនេះកន្លងផុតដែរ ព្រោះថា Portugal មានមហិច្ចតា ចង់ឈ្នះពាននេះ បំផុត។ ដូច្នេះហើយ ការប្រកួតរវាងក្រុម England និង Portugal នៅថ្ងៃទី ១៥ ខាងមុខនេះ នឹងក្លាយជាការប្រកួត ដ៍កក្រើកសម្រាប់ក្រុមទាំង២ ក៍ដូចជាអ្នកគាំទ្រទាំងអស់ ដោយរង់ចាំមើលថា តើក្រុម England អាចបង្កើតកំណត់ត្រាថ្មី ក្នុងការឆ្លងកាត់ក្រុម Portugal បានឬយ៉ាងណា?

គួរបញ្ជាក់ផងដែរថា មុនឡើងមកកាន់វគ្គផ្តាច់ព្រ័ត្រនេះ ក្រុម England បានទម្លាក់ក្រុម Czech ១-០ ចំណែកក្រុម Portugal បានទម្លាក់ក្រុម Netherland ១-០ នៅវគ្គពាក់កណ្តាលផ្តាច់ព្រ័ត្រដូចគ្នា។