Post News Media ព័ត៌មានកីឡា ខ្សែប្រយុទ្ធច...

ខ្សែប្រយុទ្ធចំណូលថ្មី Lacazette រកបាន ១គ្រាប់ក្នុងការបង្ហាញខ្លួនលើកដំបូងឲ្យ Arsenal (វីដេអូ)

ចែកចាយបន្ត

ខ្សែប្រយុទ្ធបារាំង Alexandre Lacazette ពិតជាមិនធ្វើឲ្យលោក Arsene Wenger ខកបំណងឡើយ ក្រោយពីរកបាន ១គ្រាប់ក្នុងការបង្ហាញខ្លួនលើកដំបូង ឲ្យក្រុមកាំភ្លើងធំ Arsenal ។

ការនាំយក Lacazette មកកាន់ Arsenal គឺជាក្តីរំពឹងមួយរបស់ក្លិប ក៍ដូចជាអ្នកគាំទ្រទាំងអស់ ជឿជាក់ថា Arsenal នឹងមានការប្រែប្រួលច្រើនជាងមុន។ ជាការពិតណាស់ នៅក្នុងការបង្ហាញខ្លួនលើកដំបូង ក្នុងប្រទេសអូស្ត្រាលី នាជំនួបមិត្តភាពជាមួយក្រុម Sydney ខ្សែប្រយុទ្ធ ដែលទើបនឹងផ្ទេរពី Lyon កីឡាករ Alexandre Lacazette ពិតជាធ្វើបានយ៉ាងល្អ ដោយរកបាន ១គ្រាប់ ក្នុងចំណោម ២គ្រាប់ របស់ Arsenal ។

គួរបញ្ជាក់ផងដែរថា ក្រុម Arsenal បានយកឈ្នះ លើក្រុម Sydney ក្នុងលទ្ធផល ២-០ ខណះ ១គ្រាប់ដំបូងរកបានដោយ កីឡាករ Mertesacker នៅនាទីទី៤ និង១គ្រាប់ចុងក្រោយ រកបានដោយកីឡាករ Alexandre Lacazette នៅនាទីទី ៨៣ ។ ក្នុងការប្រកួតនេះ Lacazette បានដូរចូលនៅនាទីទី ៦៨ ជំនួសកីឡាករ Welback សបញ្ជាក់ឲ្យឃើញថា ខ្សែប្រយុទ្ធរូបនេះ ពិតល្អ ខ្លាំងណាស់ ដែលក្រុម Arsenal ទិញមកមិនខកបំណងឡើយ។

ដូច្នេះហើយ ក្តីសង្ឃឹមរបស់លោក Arsene Wenger និងអ្នកគាំទ្រក្រុម Arsenal ទាំងអស់ នឹងផ្តល់ទំនុកចិត្ត លើខ្សែប្រយុទ្ធចំណូលថ្មី Alexandre Lacazette ដើម្បីបំពេញមហិច្ចតា របស់ក្លិប នៅរដូវកាលក្រោយ។

ខាងក្រោមនេះ ជាវីដេអូ នៃការប្រកួតរវាងក្រុម Sydney និងក្រុម Arsenal ៖