Post News Media ព័ត៌មានកីឡា ថ្វីបើ Hazard...

ថ្វីបើ Hazard ចង់ផ្លាស់ទៅកាន់ Real Madrid តែមិនមែននៅរដូវក្តៅនេះឡើយ

ចែកចាយបន្ត

ខ្សែប្រយុទ្ធស្លាប ដ៍ឆ្នើម Eden Hazard មានបំណងចង់ផ្លាស់ទៅកាន់ក្រុម Real Madrid ខ្លាំងណាស់ តែរូបគេនឹងមក Real ក្នុងរដូវក្តៅនេះឡើយ។

Hazard គឺជាកីឡាករដ៍ឆ្នើមមួយរូប នាពេលបច្ចុប្បន្ននេះ ខណ:ក្រុម Real Madrid គឺជាគោលដៅដ៍សំខាន់សម្រាប់ការផ្លាស់ទៅលេងនៅទីនោះ។ យ៉ាងណាវិញ Diario Gol បានឲ្យដឹងថា Hazard បានទូរស័ព្ទផ្ទាល់ ទៅកានលោក Zidane ដើម្បីនិយាយពីការផ្លាស់ទៅកាន់ Real Madrid ។ តាមប្រភពដដែល បានបន្ថែមទៀតថា Hazard បានប្រាប់លោក Zidane ថារូបគេមិនទាន់ផ្លាស់មកកាន់ Real Madrid នៅរដូវក្តៅនេះឡើយ ព្រោះថា ខ្សែប្រយុទ្ធប៊ែលហ្ស៊ិក រូបនេះកំពុងជាប់ឈ្មោះ ក្នុងបញ្ជីកីឡាកររបស់ Chelsea ក្នុងដំណើរការប្រកួតទេសចរណ៍របស់ក្លិប។ បន្ថែមលើនេះ Hazard មានបំណង ចង់បន្តនៅ Chelsea មួយរយ:ទៀត ដើម្បីឈ្នះពានទ្វីបអឺរ៉ុបជាមួយក្លិបអង់គ្លេសនេះ។

ក៍ប៉ុន្តែ បើតាមរបាយការណ៍ ពីអេស្ប៉ាញវិញ បានឲ្យដឹងថា ក្រុមយក្ស Real Madrid ដូចជាមិនចង់បានខ្សែប្រយុទ្ធរូបនេះឡើយ ព្រោះថា Real Madrid កំពុងតែតាមប្រមាញ់ Kylian Mbappe មិនទាន់បាននៅឡើយផង ដូច្នេះហើយ Hazard មិនទាន់ជាគោលដៅធំ សម្រាប់ Real Madrid ឡើយ។ ម្យ៉ាងវិញទៀត Real Madrid កំពុងតែ ត្រៀមខ្លួនប្រកួត International Champion Cup នៅសហរដ្ឋអាមេរិក រួមទាំងការត្រៀមខ្លួនប្រកួត El Clasico ជាមួយ Barcelona ផងដែរ។

ដូច្នេះហើយ ទាក់ទងទៅនឹង ពត៌មាន របស់ Eden Hazard ចង់ផ្លាស់មក Real Madrid ឬមិនផ្លាស់មក Real Madrid ទេនោះ វាមិនមានឥទ្ធិពលខ្លាំងឡើយ សម្រាប់ក្រុមជើងឯក Champion League ១២សម័យកាលមួយនេះ។

ចែកចាយបន្ត