Post News Media ព័ត៌មានកីឡា Suarez ជឿជាក់...

Suarez ជឿជាក់ថា Gerrard នឹងជោគជ័យ ក្នុងអាជីពថ្មី

ចែកចាយបន្ត

ខ្សែប្រយុទ្ធរបស់ ក្រុម FC Barcelona កីឡាករ Luis Suarez បានផ្ញើសារទៅកាន់ Website របស់ក្រុម Liverpool ថា Steven Gerrard នឹងទទួលបានជោគជ័យ ក្នុងអាជីពជាគ្រូបង្វឹក។

នៅក្នុង Website ផ្ទាល់របស់ក្រុម ហង្សក្រហម Liverpool អតីតខ្សែប្រយុទ្ធឆ្នើមរបស់ក្លិប គឺកីឡាករ Luis Suarez បានសរសេរសារមួយ ក្នុងការជូនពរ ដល់ខ្សែបម្រើដ៍ឆ្នើម Steven Gerrard ដែលកំពុងចាប់អាជីពថ្មីជាគ្រូបង្វឹក។ ជាការពិតណាស់ Gerrard ត្រូវបានតែងតាំង ជាគ្រូបង្វឹករបស់ ក្រុម យុវជនអាយុក្រោម ១៨ឆ្នាំរបស់ Liverpool កាលពីប៉ុន្មានខែមុននោះ ម្យ៉ាងវិញទៀត នៅល្ងាចនេះ Steven Gerrard នឹងចាប់ផ្តើមដឹកនាំក្រុមដំបូង ក្នុងការប្រកួត ជាមួយក្រុម Burton ដើម្បីសាកមើល ពីសមត្ថភាព ដឹកនាំក្រុមរបស់គេ។ យ៉ាងណាវិញ Luis Suarez ហាក់មិនសូវជាបារម្ភចំពោះអាជីពថ្មីរបស់ Gerrard ឡើយ រូបគេបានបញ្ជាក់ថា Gerrard នឹងធ្វើការងារនេះយ៉ាងល្អ ព្រោះថា ខ្សែបម្រើឆ្នើមរូបនេះ មានបទពិសោធន៍ ក្នុងការប្រកួតច្រើន ដែលអាចចែករំលែកទៅដល់កូនក្រុមរបស់គេបាន។

ម្យ៉ាងវិញទៀត តាមរយ:សមត្ថភាពដ៍ល្អ កម្ររកបានរបស់ Gerrard នឹងអាចធ្វើឲ្យ យុវជនជំនាន់ក្រោយរបស់ Liverpool មានការរីកចម្រើន ជាងមុនផងដែរ។ Suarez ជឿជាក់ថា អ្វីទាំងអស់នោះ នឆងក្លាយជាការពិត ខណះដែលរូបគេ ក៍ធ្លាប់មានទំនាក់ទំនងល្អ ជាមួយ Gerrard កាលពីនៅ​ Liverpool ជាមួយគ្នាផងដែរ។