Post News Media ព័ត៌មានកីឡា Isco និង Kova...

Isco និង Kovacic អ្នកណាជា ជម្រើសដំបូង​ ក្នុងជំនួប Spanish Super Cup យប់ថ្ងៃអាទិត្យនេះ?

ចែកចាយបន្ត

ខ្សែបម្រើប្រយុទ្ធអេស្ប៉ាញ Isco និងខ្សែបម្រើក្រូអាត Mateo Kovacic នឹងត្រូវប្រជែងគ្នា ដើម្បីជាប់ក្នុងបញ្ជី ១១នាក់ដំបូងរបស់ក្រុម Real Madrid ក្នុងជំនួប Spanish Super Cup ជាមួយក្រុម Barcelona យប់ថ្ងៃអាទិត្យនេះ។

វត្តមានរបស់ខ្សែបម្រើឆ្នើម Isco មិនមែនជារឿងភ្ញាក់ផ្អើលឡើយ សម្រាប់អ្នកទស្សនាបាល់ទាត់ ព្រោះថា កីឡាករដ៍ឆ្នើមរូបនេះ តែងតែបង្ហាញខ្លួន ឲ្យក្រុមយក្សអេស្ប៉ាញ Real Madrid សឹងគ្រប់ការប្រកួតសំខាន់ៗ។ យ៉ាងណាវិញ ខ្សែបម្រើមួយរូបទៀត ដែលពោរពេញទៅដោយ សមត្ថភាព ហើយមិនសូវមានវត្តមានក្នុងការប្រកួតសំខាន់ឲ្យ Real Madrid កីឡាករ Mateo Kovacic កំពុងតែប្រជែងជាមួយ Isco ក្នុងបញ្ជី ១១នាក់ដំបូងឲ្យក្រុម ស្តេចស ក្នុងជំនួប Spanish Super Cup ជើងទី១ក្នុងទឹកដីរបស់ក្រុម Barcelona នៅយប់ថ្ងៃអាទិត្យនេះ។ ជាក់ស្តែងណាស់ Kovacic និង Isco ត្រូវមកជំនួសតំណែងរបស់ខ្សែបម្រើវ័យចំណាស់ Luka Modric ដែលបានរងរបួស កាលពីប្រកួត UEFA Super Cup ជាមួយក្រុមបីសាចក្រហម Manchester United កាលពីថ្ងៃអាទិត្យកន្លងមកនេះ។

ហេតុនេះហើយ Kovacic និង Isco កំពុងស្ថិតក្នុងការគិតរបស់លោក Zidane ដើម្បីបង្ហាញខ្លួន ក្នុងជម្រើស ១១នាក់ដំបូងជំនួស Modric មួយរយ:សិន ដោយរង់ចាំ កីឡាករក្រូអាត រូបនេះជាសះស្បើយ ពីរបួស។ យ៉ាងណាវិញ Isco អាចបានលេងដោយមិនប្រជែង ជាមួយ Kovacic ព្រោះថា ខ្សែបម្រើប្រយុទ្ធអេស្ប៉ាញរូបនេះ នឹងលេងក្នុងតំណែងរបស់ Gareth Bale ។ ក្នុងជំនួបនេះ ខណ: ប្រភពពីប្រទេសអេស្ប៉ាញ បានឲ្យដឹងថា Isco និងចាប់ដៃគូជាមួយ Ronaldo និង Benzema ក្នុងតំបន់ប្រយុទ្ធខាងលើ ស្របពេលដែល Toni Kroos ត្រូវចាប់ដៃគូតំបន់កណ្តាលជាមួយ Kovacic និង Casemiro ។ ចំណែកនៅតំបន់ការពារវិញ មិនមានការប្រែប្រួលឡើយ ដោយ Romos, Marcelo, Varane និង Cavarjal ដដែល និងអ្នលចាំទី Keylor Navas ក៍ប៉ុន្តែ នៅមិនទាន់ច្បាស់ នៅឡើយទេ ពករោអថា Line Up មិនទាន់ចេញជាផ្លូវការណ៍នៅឡើយ។

ដូច្នេះហើយ Kovacic និង Isco ទំនងជាមានវត្តមាន ទាំងពីរនាក់ ក្នុងជំនួបដ៍សំខាន់នេះ ជាមួយក្រុម Barcelona ក្នុងការប្រកួតជើងទី១ Spanish Super Cup ក្នុងដី Barcelona ខណ:ការប្រកួតជើងទី២ នៅថ្ងៃពុធបន្ទាប់ក្នុងទឹកដី Real Madrid ។

ចែកចាយបន្ត