Post News Media ព័ត៌មានកីឡា Everton ទិញ R...

Everton ទិញ Rooney ត្រឡប់មកវិញ មិនខុសបំណងឡើយ (វីដេអូ)

ចែកចាយបន្ត

ក្រុម Everton ពិតជាមិនខកចិត្តឡើយ ចំពោះការនាំយក ខ្សែប្រយុទ្ធវ័យចំណាស់ Wayne Rooney ត្រឡប់មកកាន់ក្លិបរបស់ពួកគេវិញនៅរដូវកាលនេះ។

ជាក់ស្តែងណាស់ ក្នុងការប្រកួត បើករដូវកាលដំបូងរបស់ក្រុម Everton ជាមួយនឹងក្រុម Stoke City ខ្សែប្រយុទ្ធ Wayne Rooney បានរកគ្រាប់បាល់ ១គ្រាប់​​ នៅនាទីទី ៤៥បូក ជួយឲ្យក្រុម Everton យកឈ្នះក្នុងលទ្ធផល ១-០ ។ មួយក្បាល របស់ខ្សែប្រយុទ្ធវ័យចំណាស់ Wayne Rooney ពិតជាល្អខ្លាំងណាស់ ព្រោះថា Rooney បានជួយឲ្យក្រុមចាស់របស់គេ ទទួលបាន ៣ពិន្ទុដំបូងនៅក្នុងការប្រកួតលើកទី១ នៃក្របខ័ណ្ឌ Premier League រដូវកាលថ្មីនេះ។

គួរបញ្ជាក់ផងដែរថា បន្ទាប់ពីផ្លាស់មកកាន់ក្រុម Everton កន្លងមកថ្មីៗនេះ ខ្សែប្រយុទ្ធ ពោរពេញដោយបទពិសោធន៍ Wayne Rooney ស៊ុតបាន ៣គ្រាប់ឲ្យក្រុម Everton ហើយ ខណ:១គ្រាប់យប់មិញនេះ លើក្រុម Stoke City គឺជាគ្រាប់បាល់ដំបូង ក្នុង Premier League ចំណែក២គ្រាប់ផ្សេងទៀត រកបានក្នុងការប្រកួតមិត្តភាព មុនបើករដូវកាល។ ដូច្នេះហើយ Rooney នឹងបង្ហាញសមត្ថភាព កាន់តែល្អបន្តទៀត នៅ Everton ជាក់ជាមិនខាន។

តោះ មកទស្សនា មួយក្បាលរបស់ Rooney យ៉ាងស្អាត កាលពីយប់មិញនេះ៖