ក្រុមជើងឯក និងជើងឯករង Premier League តោខៀវ Chelsea និង Tottenham ហាក់មិនសំណាងសោះ ក្នុងការចាប់ឆ្នោតវគ្គចែកពូល Champion League យប់ម្សិលមិញនេះ។

ក្រោយពីការបញ្ចប់ការចែកពូល ក្រុម Man Utd , Man City និង Liverpool ហាក់រំជើបរំជួលក្នុងចិត្តយ៉ាងខ្លាំង ខណៈក្រុមមកពីអង់គ្លេសទាំង៣នេះ បានស្ថិតនៅក្នុងពូលជាមួយក្រុមមធ្យមៗ ដែលមិនមែនជាឧបសគ្គធំសម្រាប់ក្រុមទាំង៣នេះឡើយ។ យ៉ាងណាវិញ បើក្រឡេកមកមើលក្រុម ២ផ្សេងទៀត ដែលមកពីអង់គ្លេសដែរនោះ រួមមាន Chelsea និង Tottenham ដូចជាមិនសូវសប្បាយចិត្តទៅវិញ បន្ទាប់ពីក្រុមដែលនៅក្នុងពូលជាមួយ សុទ្ធសឹងខ្លាំង និងមានសមត្ថភាពប្រហាក់ប្រហែលគ្នា។ ជាក់ស្តែងណាស់ ម្ចាស់ជើងឯក Premier League តោខៀវ Chelsea ស្ថិតនៅក្នុងពូល C ដោយមានក្រុមខ្លាំង Atletico Madrid, Roma និង Qarabag ។ គួរបញ្ជាក់ដែរថា Qarabag ថ្វីបើមិនសូវលឺឈ្មោះមែន តែមិនត្រូវមើលងាយឡើយ ខណៈ​ Atletico Madrid និង Roma សុទ្ធសឹងជាក្រុមដែលអាចបង្កគ្រោះថ្នាក់ដល់ក្រុម Chelsea បាន។

ក្រឡេកមកមើល ក្រុម Tottenham វិញ កាន់តែយ៉ាប់ជាងក្រុមតោខៀវ Chelsea ទៅទៀត ព្រោះថា ត្រូវប៉ះចំពូល H ជាមួយក្រុមការពារតំណែងជើងឯក Real Madrid , Dortmund និង APOEL ។ យើងដឹងគ្រប់គ្នាហើយថា Real Madrid គឺជាក្រុមកំពូលមួយដែលពិបាករកគូប្រកួតណាស់នាពេលនេះ ចំណែកក្រុម Dortmund វិញ ក៍មិនណយដែរ ព្រោះថាមិនងាយស្រួលឡើយ ក្នុងការយកឈ្នះក្រុមនេះ ខណះ APOEL មិនជាបញ្ហាអ្វីឡើយ។

ដូច្នេះហើយ Chelsea និង Tottenham ត្រូវខិតខំប្រឹងប្រែងយ៉ាងខ្លាំង ដើម្បីឆ្លងទៅកាន់បន្តទៀត ស្របពេលដែលក្រុម Man Utd, Man City និង Liverpool មិនសូវពិបាកនោះឡើយ។ ក៍ប៉ុន្តែ បាល់មូល ដែលអ្វីៗអាចប្រែប្រួលគ្រប់ពេលបាន។